Pablo Campana Sáenz, utanríkisviðskiptaráðherra Ekvadors, skrifar undir fyrir hönd ríkisstjórnar Ekvador og Nihat Zeybekci, efnahagsmálaráðherra Tyrklands, af hálfu tyrkneskra stjórnvalda. Fyrir hönd EFTA undirrita þau Guðlaugur Þór Þórðarson utanríkisráðherra, sem jafnframt stýrir fundinum, Aurelia Frick, utanríkisráðherra Liechtenstein, Torbjørn Røe Isaksen, iðnaðar- og viðskiptaráðherra Noregs og Johann N. Schneider-Amman, ráðherra efnahagsmála, menntunar og rannsókna í sambandsstjórn Sviss.
Áður en ráðherrafundurinn hefst munu þeir Guðlaugur Þór og Nihat Zeybecki eiga stuttan tvíhliða fund um ýmis málefni.