Inga Sæland, formaður Flokks fólksins, hefur lagt fram vantrauststillögu á Svandísi Svavarsdóttur, matvælaráðherra. Tillagan er lögð fram til að bregðast við því sem fram kemur í áliti Umboðsmanns Alþingis um störf Matvælaráðherra. Þetta kemur fram í tilkynningu frá Flokki fólksins.
Í tilkynningunni segir að ráðherrann hafi farið út fyrir valdheimildir sínar og braut gegn stjórnarskrárvörðum réttindum fólks og lögmætisreglu og þvi sé vatrauststillagan lögð fram.
Í tilkynningunni að brotið sé í raun fjórþætt og sé í meginatrðinum eftirfarandi:
- Reglugerðin hafði ekki nægilega skýra stoð í lögum um hvalveiðar
- Útgáfa reglugerðarinnar samrýmdist ekki kröfum um meðalhóf og réttmætar væntingar
- Ráðherra braut gegn lögmætisregu og braut þar með gegn 75. gr. stjórnarskrárinnar sem fjallar um atvinnufrelsi
- Með setningu inngripsmikillar reglugerðar án eðlilegs fyrirvara braut ráðherra gegn meðalhófsreglu stjórnsýsluréttar
- Með setningu reglugerðar sem skorti viðhlítandi lagaheimild og án þess að gæta að meðalhófi, hefur ráðherrann vafalítið bakað ríkissjóði skaðabótaskyldu.
Þá er bent á að Svandís hafi sjálf lýst því yfir að hún hefði ekki lagaheimild til að afturkalla veiðileyfið. Engu að síður setti hún reglugerð án fyrirvara sem kom í veg fyrir nýtingu leyfisins. Ráðherra sem brýtur gegn lögum, brýtur gegn stjórnarskrá, þarf að axla ábyrgð gjörða sinna. Flokkur fólksins krefst þess að hún víki þegar í stað.