Kynferðislega minnihlutahópahreyfingin hefur gert mikið úr því að kynvitund og kynhneigð sé ekki neinn sjúkdómur sem hægt sé að lækna. Gagnrýnisraddirnar verða fleiri og telja sumir, að hreyfingin sé sjálf það sem hún er að kenna öðrum um og beiti sjálf þrýstingi til að sannfæra oft á tíðum sálfræðilega viðkvæmt fólk til að breyta bæði um kynhneigð og kyn.
Mikael átti erfitt með að finna andlegt jafnvægi í sjálfsvitund sinni. Þegar hann leitaði til LGBT hreyfingarinnar var honum sagt, að skýringin væri sú að hann hefði fæðst í líkama af röngu kyni og hann þyrfti að fara í kynjabreytingu. í þeirri viðkvæmu stöðu sem Mikael var í, þá taldi hann LGBT hreyfinguna vera vin sinn sem vildi honum vel og aðstoðaði hann við að finna sjálfsvitundina. Hann lét því til leiðast að fara í hormónameðferð til að breyta kyni frá karlmanni í kvenmann en það gekk ekki eins og búið var að lofa honum. Mikael leið sífellt verr svo hann hætti hormónameðferð og leitaði aðstoðar faglegs sálfræðings og þá hætti „stuðningur hreyfingarinnar“ skyndilega.
Þjáðist af Asperger, einhverfu og ADD = ekkert kynjavandamál
Rannsóknir leiddu í ljós, að Mikael þjáðist alls ekki af neinu „kynjavandamáli“ sem RFSL reyndi að koma upp á hann. Þess í stað greindist hann með Asperger-heilkenni, einhverfu og ADD. Hann sér sárlega eftir því að hafa látið plata sig inn í kynskiptinga-trúarsöfnuðinn og segir frá því í raunveruleikaþætti sænska útvarpsins P3.
Þegar Mikael var áttavilltur og einsamall í leit að eigin sjálfsvitund, þá varð hann eins og margir aðrir í sömu aðstæðum, auðveld bráð rétttrúnaðarhreyfingar kynferðismála. Erfiðleikar hans við að komast í samband við gagnastæða kynið og vanlíðan í félagslegu samhengi voru rangtúlkuð og gerð að kynvandamáli. Fyrst var Mikael hvattur til að prófa kynlausa fatastíla og líkja við konur í framkomu. Á næsta stigi var honum talin trú um að það besta fyrir hann væri að hefja reglulegt ferli kynskiptingar. Sjálfum hafði honum aldrei dottið í hug, að hann væri „fæddur í röngu kyni“ lét tilleiðast af sér reyndari trönsum, að það væri satt.
Var talin trú um að hafa „fæðst í röngum líkama“
Mikael var settur í öfluga krabbameinshormónameðferð með estrógen- og testósterónhemlum sem létu skeggið hætta að vaxa, brjóstin stækka og líkamann taka á sig kvenlegra form. Hann prófaði líka að breyta nafni sínu í Júlía. Ekkert af þessum aðgerðum kom frá honum sjálfum, hans eigin hugsunum og tilfinningu. Transstýrð þjónusta RFSL lagði þetta allt til og hann fór að ráðum þeirra. Mikael segir við ríkisútvarp Svíþjóðar:
„Þegar ég steig inn á þennan heim og hugsunarhátt þá breytti ég meira að segja um kynhegðun.“
Mikael var sagt að kynskipti myndu frelsa hann frá öllum sálrænum vandamálum og verða svar við bænum hans um frið í hjarta. Honum var sagt, þegar hann breyttist í sitt „raunverulega ég“ sem kona, næði hann markmiðinu og innri friður og hugarró taka við.
Gerði lífið enn þá verra
Mikael er giftur og konan hans, sem ekki tókst að heilaþvo í sama mæli, var ekki eins sannfærð um að þetta væri lausnin. Átök komu upp í hjónabandinu sem gerði líf Mikaels enn ótryggara. Hann fann einnig fyrir miklum neikvæðum líkamlegum og sálrænum aukaverkunum af hormónameðferðinni og var stöðugt lamaður af þreytu og uppgefinn. Hið síðarnefnda reyndist vera vegna alvarlegs blóðleysis, sem er þekkt sem alvarleg aukaverkun þess að taka testósterónhemjandi lyf.
Hætti við kynskiptin og fékk lífið til baka
Smám saman fór Mikael að efast um, að það væri rfétta lausnin að skipta um kyn og hann komst að því, að honum leið sífellt verr og lífið varð erfiðara með hverjum deginum. Hann ákvað því að hætta meðferðinni.
„Þegar ég hætti að taka estrógen og var hættur að taka testósterónhemlana fannst mér ég fá lífið til baka.“
Hann lýsir því einnig, að stöðvun kynleiðréttingarferlisins hafi veitt honum nýja innri rósemi og sýn á vandamálin og hann fór því í læknarannsókn hjá venjulega heilbrigðiskerfinu.
Fær rétta umönnun frá alvöru heilbrigðiskerfinu
Þar fékk Mikael að vita, að andleg vandamál hans höfðu ekkert að gera með spurninguna um kyn. Þess í stað hefur hann samsett vandamál með Asperger-heilkenni, einhverfu og ADD. Mikael segir við ríkisútvarpið, að lífið sé miklu auðveldara núna, eftir að hann fékk faglegar læknisfræðilegar skýringar á hvað það var sem hrjáði hann í stað þeirrar angistar sem fylgdu ráðum „töfralæknanna.“
Hér má hlýða á þáttinn með Mikael
Hér má sjá myndband á Facebook um hvernig transkarlar eru að sækja að konum og þrengja möguleika þeirra m.a. í íþróttum.
