Rosemont Seneca, fyrirtæki Hunter Biden, lagði fram fjármagn fyrir fyrirtækin á bak við stofnun líftæknirannsóknarstofa í Úkraínu. Útvarp Saga greindi frá þessum fréttum fyrr í þessum mánuði.
Ruglingsleg skilaboð Biden-stjórnarinnar
Bandaríska utanríkisráðuneytið viðurkenndi í yfirheyrslum í öldungadeildinni fyrr í þessum mánuði, að hættulegar líftæknirannsóknarstofur væru í Úkraínu, sem væru fjármagnaðar af Bandaríkjunum. Biden-stjórnin dró síðan þær uppljóstranir til baka og sagði engar slíkar líftæknirannsóknarstofur vera til í Úkraínu.
Hvers vegna koma svona ruglingsleg skilaboð frá Biden? Sérstaklega þegar skjöl liggja fyrir, sem sanna að Bandaríkin hafa fjármagnað lífrannsóknarstofurnar, sem þeir settu upp í Úkraínu til að rannsaka hættulega sýkla.
Kann það að vera vegna þess, að fyrirtæki Hunter Biden Rosemont Seneca fjármagnaði fyrirtækin, sem tóku þátt í byggingu þessara rannsóknarstofnana í Úkraínu og Biden-stjórnin vill ekki að hvorki bandaríska þjóðin né aðrir fái að að vita um, hvað Bandaríkin eru að vafstra með þróun líftæknivopna? Nákvæmlega sömu rannsóknir og fóru fram í Wuhan í Kína og komið er í ljós, að Bandaríkin fjármögnuðu?
Líftæknirannsóknir Pentagon m.a. studdar af USAID, Smit- og sjúkdómstofnun Bandaríkjanna og George Soros
InfoWars skrifaði frábæra grein um tengingu á milli Hunter Biden og fyrirtækisins Metabiota, sem tók þátt í stofnun líftæknirannsóknarstofa í Úkraínu.
Í gegnum Wayback Machine sést, að Rosemont Seneca fjárfesti í Metabiota eins og fram kemur á vefsíðu fyrirtækisins árið 2014. Það er skráð sem „fjárfestingar teymis okkar“ á heimasíður Rosemont Seneca eins og sjá má hér fyrir neðan.
Rússneskir fjölmiðlar saka Hunter Biden um að fjármagna úkraínsku lífrannsóknastofurnar. Rússar tengja saman Hunter og fjármögnun úkraínsku lífrannsóknastofanna undir stjórn Pentagon.
Samkvæmt The Telegraph þá sögðu Rússar á fimmtudag, að Rosemont Seneca fjárfestingarsjóðurinn undir forystu Hunter Biden, sonar Joe Biden Bandaríkjaforseta, fjármagnaði líftækniáætlun Pentagon í Úkraínu.
TASS greindi frá því, að forseti rússnesku dúmunnar, Vyacheslav Volodin, sagði á Telegram á fimmtudag, að Joe Biden, forseti Bandaríkjanna, verði að útskýra þátttöku Hunter sonar síns í rekstri líffræðilegra rannsóknarstofa í Úkraínu. Hershöfðinginn Igor Kirillov, sem er yfirmaður geislunar-, efna- og líffræðilegra varnarsveita rússneska hersins segir:
„Við höfum undir höndum upplýsingar um samspil bandarískra ríkisstofnana og úkraínskra líffræðilegra verkefna. Vakin er athygli á þátttöku við fjármögnun þessara mannvirkja nærri núverandi forystu Bandaríkjanna, einkum Rosemont Seneca fjárfestingarsjóðnum, sem er undir stjórn Hunter Biden. Áætlun Pentagon er einnig fjárhagslega styrkt af Alþjóðlegri þróunarstofnun Bandaríkjanna „USAID“ ásamt stofnun George Soros og Smitsjúkdómastofnun Bandaríkjanna.“
Kirillov benti á, að einn af vísindavettvangi lífvopnaáætlunar Pentagon í Úkraínu væri Los Alamos kjarnorkumiðstöðin, sem þróaði fyrstu bandarísku kjarnorkusprengjuna.