Sameinuðu þjóðirnar gáfu út skýrslu í mars þar sem aðildarríki SÞ eru hvött til að afglæpavæða kynlíf milli barna og fullorðinna. Skýrslan ber titilinn „Meginreglur 8. mars um mannréttindatengda nálgun við refsilöggjöf sem bannar hegðun sem tengist kynæxlun, fíkniefnaneyslu, HIV, heimilisleysi og fátækt“ (sjá pdf að neðan).
Á blaðsíðu 22 í skýrslunni segir SÞ (í lausri þýðingu):
Regla 16 – kynlíf með samþykki
„Varðandi framfylgd refsilaga verður að beita öllum tilskildum lágmarksaldri til kynlífs án mismununar. Ekki má tengja fullnustu við kyn/kynvitund þátttakenda eða aldur við samþykki að ganga í hjónaband. Þar að auki getur kynferðisleg hegðun, þar sem einstaklingar eru undir þeim lágmarksaldri sem mælt er fyrir um til kynlífs, verið í raun og veru gerð með samþykki, þótt það fylgi ekki lögum. Í þessu samhengi ætti framkvæmd refsilaga að endurspegla réttindi og getu einstaklinga undir 18 ára aldri til að taka ákvarðanir í samráði um að stunda kynlíf og réttindi þeirra til að tekið verði tillit til þess sem skiptir máli fyrir þá.“
„Í samræmi við vaxandi getu einstaklinga og stigvaxandi sjálfræði, ættu einstaklingar yngri en 18 ára að taka þátt í ákvörðunum sem varða þá, með tilhlýðilegu tilliti til aldurs þeirra, þroska og hagsmuna og með sérstakri áherslu á tryggingu jafnræðis.“
Í nýrri skýrslu frá Sameinuðu þjóðunum er hvatt til þess að hvers kyns fíkniefnaneysla og kynferðislegt athæfi verði afglæpavætt á heimsvísu.
Skýrslan var skrifuð af alþjóðlegu lögfræðinganefndinni (ICJ), UNAIDS og skrifstofu mannréttindafulltrúans (OHCHR) og var gefin út á alþjóðlegum baráttudegi kvenna, með það að markmiði að leiðbeina „beitingu alþjóðlegra mannréttindalaga gagnvart refsilögum.” Skýrslan er kölluð „Meginreglur 8. mars“ og krefst þess að brot sem tengjast „kynlífi, fíkniefnaneyslu, HIV, kyn- og frjósemisheilbrigði, heimilisleysi og fátækt“ verði afglæpavætt.
Sérfræðingar Sameinuðu þjóðanna segja að refsivert athæfi feli í sér árás á mannréttindi
Ian Seiderman hjá Alþjóðanefnd lögfræðinga ICJ, segir í fréttatilkynningu:
„Refsilöggjöf er meðal hörðustu tækja sem ríkið hefur til að hafa stjórn á einstaklingum… sem slík ættu þau að vera þrautavaraúrræði en á heimsvísu hefur verið vaxandi tilhneiging til ofglæpavæðingar. Við verðum að viðurkenna að þessi lög brjóta ekki aðeins í bága við mannréttindi heldur sjálfan grundvöll refsiréttar.“
Regla 17 – Kynlífsstörf
Í skýrslunni er einnig hvatt til þess að allt kynlífsstarf verði afglæpavætt:
„Skipti á kynlífsþjónustu með samþykkis fullorðinna fyrir peninga, vörur eða
þjónustu og samskipti við annan um að auglýsa tilboð í eða deila
húsnæði með öðrum í þeim tilgangi að skiptast á kynlífsþjónustu á milli
fullorðinna með samþykki og peningum, vörum eða þjónustu, hvort sem það er á opinberum stað eða í einkaeigu, má ekki refsa, beita þvingunum, valdi, valdmisbeitingu yfirvalda eða svikum.“
„Í refsilögum er óheimilt að banna starfsemi þriðja aðila sem, beint eða óbeint,
til að fá fjárhagslegan eða efnislegan ávinning með sanngjörnum skilyrðum – án þvingunar, valds, misbeitingu valds eða svikum – til að auðvelda, stjórna, skipuleggja, hafa samskipti við annan aðila, auglýsa, veita upplýsingar um, útvega eða leigja húsnæði í þeim tilgangi að skipta á kynlífsþjónustu milli fullorðinna með samþykki fyrir peninga, vörur eða þjónustu.“
Ný skýrsla Sameinuðu þjóðanna má setja í samband við fjölda ásakana um kynferðisofbeldi til dæmis friðargæslusveita SÞ á Haíti 2017, þegar hermenn SÞ voru sakaðir um að hafa notfært sér börn kynferðislega í skiptum fyrir smákökur og matarbita. 8. mars skýrslu SÞ má lesa hér að neðan:
