Runólfur Ólafsson framkvæmdastjóri FÍB.
Auknar álögur á eldsneyti eru hrein aðför að daglegu lífi almennings á Íslandi. Þetta var meðal þess sem fram kom í máli Runólfs Ólafssonar framkvæmdastjóra FÍB í morgunútvarpinu í morgun en hann var gestur Markúsar Þórhallssonar og Jóhanns Kristjánssonar. Runólfur bendir á að auknar álögur komi til með að hafa alvarlegar afleiðingar í för með sér “ þetta fer beint út í verðlagið og mun á endanum verða til þess að lán munu hækka„,segir Runólfur. Þá vitnaði Runólfur í ummæli Benedikts Jóhannessonar í síðdegisútvarpinu á Útvarpi Sögu í gær þar sem ráðherra greindi frá að auknar álögur væru settar fram til þess að stýra neyslunni “ ég hélt að pólitík hans flokks gengi ekki út á slíka neyslustýringu og ég gat ekki greint það í málflutningi þeirra fyrir síðustu kosningar, þannig að ég veit ekki hvort hann hefur hugsað sér að beina því til fólks í sínu kjördæmi, Norðausturkjördæmi að það fari bara að nota reiðhjólið og að tl dæmis Húsvíkingar sem þurfi að sækja sér þjónustu til Akureyrar geti bara farið hjólandi„,segir Runólfur.