Ákveðið var að forsætisráðherra myndi kalla til utanaðkomandi sérfræðinga til ráðgjafar ekki einungis varðandi siðareglur ráðherra heldur einnig varðandi heilindi í opinberum störfum í víðara samhengi. Gert er ráð fyrir að settur verði á fót starfshópur sem muni ráðleggja og aðstoða við að ná fram þáttum úr stjórnarsáttmálans sem kveður á um að efla traust á stjórnmálum og stjórnsýslu. Þá er gert ráð fyrir að fyrirhugaður starfshópur muni skila af sér skýrslu næsta haust.