Ný bandarísk skýrsla (sjá neðar á síðunni) kortleggur umfangsmikið net fjölmiðla- og aðgerðarsinna sem fjármagnað er af sósíalíska milljarðamæringnum George Soros. Skýrslan er byggð á heimildum sem hafa kortlagt hlutverk Soros í alþjóðlegum atburðum eins og til dæmis Maidan valdaráninu í Kænugarði ár 2014.
Í skýrslu fjölmiðlarannsóknarráðs MRC eru tilgreind hundruð fjölmiðla-, mannréttinda- og félagslegra réttindaverkefna sem Soros styrkir árlega. Framlög hans gera honum kleift að „beita gríðarlegu valdi yfir upplýsingaflæði í alþjóðastjórnmálum“ og „móta almenningsálitið í nánast öllum heimsálfum og á mörgum tungumálum“ segir í skýrslunni.
Project Syndicate
MRC lýsir „Project Syndicate“ sem stærsta áróðursvettvangi sem styrktur er af Soros. Hann gaf að minnsta kosti 1,5 milljónir dala til verkefnisins á árunum 2016 – 2020. Í gegnum Project Syndicate hefur ýmis konar sósíalískur áróður verið uppfærður og birtur víða um heim, bæði í Bandaríkjunum og í sænska Dagens Nyheter og Bulletin. Á síðum Morgunblaðsins birtast greinar eftir ýmsa áróðursmeistara þessa hóps t.d. Carl Bilds fyrrum forsætisráðherra Svíþjóðar. Project Syndicate notar háttsetta sósíalíska og sósíaldemókratíska tignarmenn frá löndum eins og „Svíþjóð, Mexíkó og Venesúela“ auk frjálslyndra vinstrimenn frá stofnunum og samtökum eins og Alþjóðabankanum og World Economic Forum, WEF, í Davos. Project Syndicate montaði sig af því, að greinar þess birtust á 66 tungumálum 20.393 sinnum í 156 löndum árið 2021. Poynter-stofnunin, sem fékk 492.000 dali á sama tímabili, er einnig ofarlega á listanum og er af MRC kölluð „Sannleiksráðuneyti alheims, styrkt af Soros.“ Stofnunin framkvæmir „staðreyndakannanir“ fyrir 100 aðrar stofnanir og vinnur með netrisum við ritskoðun „haturs og falsfrétta“ á samfélagsmiðlum.
Setti á fót stofnun í Úkraínu áður en landið varð sjálfstætt
Soros fjármagnar ekki aðeins höfunda heldur einnig fjöldan allann af vinstri sinnuðum aðgerðasinnum sem síðan birtast sem „áhrifavaldar“ í fjölmiðlum og á samfélagsmiðlum. Í skýrslu MRC er því haldið fram, að samtök fjármögnuð af Soros tryggi víðtækan fréttaflutning af atburðum og starfsemi á vegum samtaka hans, sem hafi áhrif á almenna skynjun á þeim atburðum. Sem dæmi má nefna valdaránið í Kænugarði árið 2014, sem leiddi til yfirstandandi stríðs í Úkraínu. George Soros sagði við CNN í maí 2014:
„Ég myndaði stofnun í Úkraínu þegar áður en landið varð sjálfstætt. Stofnunin hefur starfað þar síðan og hún hefur gegnt mikilvægu hlutverki í atburðarrásinni.“
Hefur skilvirkt eftirlit með helstu fjölmiðlum og getur stjórnað því, sem almenningur fær að vita
Skýrslan hefur að geyma fjölmörg dæmi um, hvernig heimildarmenn Soros birta ekki aðeins greinar sem endurspegla afstöðu bandarískra stjórnvalda, heldur hafa einnig áhrif á stefnu og yfirlýsingar embættismanna í Hvíta húsinu og eflir oft á tíðum rangar eða villandi upplýsingar. Matt Palumbo, höfundur bókarinnar „Maðurinn á bakvið gardínuna: Innan frá leynilegu netverki George Soros“ segir í skýrslunni að „ein stærsta afleiðingin“ af fjármögnun Soros og skilvirku eftirliti með helstu fjölmiðlarásum sé sú, að Soros getur búið til eins konar síu, sem stjórnar því sem almenningur fær að vita.
Samtals fjármagnar George Soros 253 hópa sem hafa áhrif á alheimsfjölmiðla, samkvæmt skýrslunni.
