Atvinnuhagsmunir sýslumanna, sálfræðinga og annara aðila sem koma að því að leysa úr umgengnisdeilum foreldra standa framförum í málaflokknum fyrir þrifum. Þetta var meðal þess sem fram kom á aðalfundi samtakanna Barnanna okkar sem fram fór í gær. Það var mat margra fundarmanna að ástandið í þessum málum væri graf alvarlegt og þörf væri á úrbótum strax, og setja viðurlög við umgengnistálmunum eins og tekin hafa verið upp víða í Evrópu. Þá kom fram hörð gagnrýni á fulltrúa sýslumanna sem sinna málaflokknum en eins og dæmi eru um hafa þeir sem þurft að leita til sýslumanna vegna slíkra mála orðið að bíða mánuðum saman eftir niðurstöðu.