Donald Trump, forseti Bandaríkjanna, segir að hernaðaráform gegn Íran fari í framkvæmd ef ekki næst niðurstaða í viðræðum fyrir klukkan 20:00 í kvöld, þriðjudag eða á miðnætti að íslenskum tíma. Þetta kemur fram á Fox News.
Herinn klár til árása ef samningar takast ekki
Í símtali við Fox News staðfesti Trump að fresturinn væri óhagganlegur og umfangsmiklar aðgerðir væru þegar í undirbúningi. Hann sagði að ef til árása kæmi yrðu þær af áður óþekktri stærðargráðu. Trump ítrekaði þó að möguleiki væri á að stöðva áformin ef viðræður skiluðu raunverulegum árangri, áður en fresturinn rynni út.
Viðvörun til Bandaríkjamanna á svæðinu
Bandarísk stjórnvöld hafa samhliða þessu hvatt ríkisborgara sína í Barein til að halda sig innandyra vegna versnandi stöðu í Miðausturlöndum. Starfsmönnum á vegum bandaríska stjórnkerfisins sem eru á svæðinu hefur verið gert að leita skjóls og forðast opna staði. Yfirvöld segjast fylgjast grannt með þróun mála og veita upplýsingar um mögulegar brottfararleiðir fyrir þá sem vilja yfirgefa svæðið.
Spenna eykst hratt
Yfirlýsingar forsetans koma á sama tíma og átök tengd Íran hafa harðnað. Óvissa ríkir um hvort samningar takist á síðustu stundu eða hvort gripið verði til hernaðaraðgerða þegar fresturinn rennur út.