Félags- og vinnumarkaðsráðuneytið vinnur nú í fyrsta sinn að stefnu og framtíðarsýn í málefnum innflytjenda. Þetta kemur fram í tilkynningu frá Félags- og vinnumarkaðsráðuneytinu.
Í tilkynningunni segir að markmiðið sé að fólk sem sest að hér á landi hafi tækifæri til inngildingar og virkrar þátttöku í samfélaginu og á vinnumarkaði. Samtal og samráð við íbúa, sérstaklega innflytjendur, er mikilvægt í þessari vinnu.
Því ætlar Félags- og vinnumarkaðsráðuneytið að halda fundarröð þar sem fólki er boðið til samtals um málefnið en farið verður hringinn í kringum landið með fundarröðina og eru innflytjendur sérstaklega hvattir til að mæta.
Fram kemur að fundirnir verði bæði túlkaðir á ensku og pólsku.
Hér má sjá staðsetningar og tímasetningar fundanna.
Staðsetningar / Locations / Lokalizacje:
- 27. nóvember kl. 17:00, Hof menningarhús,
- 27 November at 17:00 / 27 listopada o 17:00, Hof Cultural Center
- 29. Nóvember kl. 17:00, Edinborgarhúsið
- 29 November at 17:00 / 29 listopada o 17:00, Edinborg Culture Center
Samtal í janúar / Meetings in January:
Borgarnes, Egilsstaðir, Reykjanesbær, Reykjavík, Selfoss – dagsetningar birtar síðar.
Birt hefur verið stöðumat og valkostagreining (grænbók) sem inniheldur drög að lykilviðfangsefnum í væntanlegri stefnu um málefni innflytjenda og flóttafólks. Í framhaldinu verður stefna mótuð (hvítbók) sem lögð verður fram á Alþingi sem þingsályktunartillaga.