Allar reglur réttarríkisins brotnar í máli Tommy Robinson

Hallur Hallsson sagnfræðingur og blaðamaður.

Dómurinn yfir Tommy Robinson baráttumanni gegn öfga Íslam voru hrein ólög og brýtur í bága við allar reglur réttarríkissins. Þetta var meðal þess sem fram kom í máli Halls Hallssonar sagnfræðings og blaðamanns í síðdegisútvarpinu í dag en hann var gestur Péturs Gunnlaugssonar Hallur segir að fyrir það fyrsta hafi handtakan verið verulega ámælisverð ” þarna er fjölskyldumaður handtekinn á götu og fjölskyldan er ekki látin vita og hann settur í varðhald“. Þá segir Hallur ekki betra hafa tekið við í fangelsinu ” hann er settur þarna í klefa sem er alveg við moskuna inni í fangelsinu, og þarna er öskrað á hann af öðrum föngum í gegnum lítið gat á hurðinni, það er hent í hann mannaskít og fleira, hann þorði ekki í mötuneytið og treysti ekki að ekkert yrði sett í mat hans og hann borðaði túnfisk úr dós allan tímann sem hann var í haldi og missti 20 kíló“,segir Hallur.

Mál Tommy þaggað niður af erlendum og íslenskum fjölmiðlum

Í þættinum ræddi Hallur einnig um þá þöggun sem ríkir meðal fjölmiðla um mál Robinson og bendir Hallur á að vissir aðilar vilja alls ekki að fjallað sé um málið ” það birtist frétt um málið í DV sem Ágúst Borgþór skrifaði, og þá kemur umræðu stjóri ríkisins, Egill Helgason og skrifar þá athugasemd við fréttina að blaðamaðurinn sé of góður maður til þess að vera að fjalla um svona lið, hvaða skilaboð er verið að senda þarna?“, spyr Hallur. Hlusta má á þáttinn í spilaranum hér að neðan.

Athugasemdir

athugasemdir

Deila