Bjarni Benediktsson forsætisráðherra.
Bjarni Benediktsson forsætisráðherra segir von á öðru fjármálahruni. Þetta kom fram í viðtali fréttastofu Sky við Bjarna sem birt var í gærkvöld. Í viðtalinu segir Bjarni að hann geti ekkert sagt um tímasetningar í þessu sambandi en segir að „menn geri mistök og að græðgi muni leiða til slæmra ákvarðana„. Í umfjölluninni kemur ekki fram hvort ummæli Bjarna eigi við um íslenska fjármálakerfið en í viðtalinu segir Bjarni að honum hafi fundist að Bretar hafi ekki tekið nægilega hart á breskum bankamönnum í kjölfar hrunsins, honum finnist of lítið hafa verið gert til þess að rannsaka meinta brotlega starfsemi, og vænlegra hefði verið ef Bretar hefðu farið að fordæmi Íslendinga í þeim efnum.
