Haukur Sigvaldason þúsundþjalasmiður sem unnið hefur að sjóslysakvikmyndinni Brotið segir að breyttu fiskveiðistjórnunarkerfi geti fylgt aukin slysahætta. Haukur sem var gestur Markúsar Þórhallssonar og Jóhanns Kristjánssonar í morgun segir að til dæmis geti talsverð slysahætta fylgt strandveiðum nútímans enda megi menn bara róa á ákveðnum dögum “ menn eru að sækja sjóinn jafnvel í veðrum sem að varla er kannski vit í að fara út í„,segir Haukur. Haukur missti föður sinn í sjóslysi árið 1963 og þekkir því vel til afleiðinga sjóslysa en myndin brotið fjallar einmitt um slysið. Í myndinni er meðal annars rætt við aðstandendur þeirra sem fórust og reynt að varpa ljósi á þennan myrka atburð sem ekki líður nokkrum dalvíkingi úr minni. Myndin verður frumsýnd í Bíó Paradís í kvöld klukkan 18:00.
Smelltu hér til þess að lesa nánar um myndina