Það hefur löngum verið vitað að Egill Helgason vinnur fyrir tvo herra og þjónar báðum. Á forsíðu DV.is birtir hann fyrirsögnina að Útvarp Saga hvetji til fjöldamorða í símatíma stöðvarinnar en slíkt tal verður að flokkast undir óskhyggju Egils Helgasonar.
Egill Helgason heldur að hann slái sér upp á því að ráðast á Útvarp Sögu. Með því afhjúpar hann þá staðreynd að hann er í liði “góða fólksins” sem gjarnan ræðst með hatursfullum hætti að fólki sem er ekki sömu skoðunar og það sjálft. Hluti þess fólks fer nú mikinn í athugasemdakerfinu á hans eigin netsíðu og Facebook. Hann gerir ekki athugasemdir við þau ummæli sem þar eru látin falla við þessa falsgrein sína um útvarpsstöðina. Nei, nú hefur Egill Helgason líka bæst í hóp poppúlistanna.
Útvarp Saga hefur undanfarið fjallað um Orkupakka 3, Brexit, alvarlegt ástand innan ESB, upprunafjármagn WOW flugfélagsins, fátækt á Íslandi og vinnudeilur, mótmæli á Austurvelli og árás á lögregluna, óeðlileg vinnubrögð borgarstjórans í Reykjavík, lokanir fyrir umferð á Laugavegi, Donald Trump og Mullersskýrsluna frægu, sem eftir allt, var innihaldslaus, og var greitt fyrir lygarnar af Hillary Clinton. Allt er þetta efni sem kemst ekki af einhverjum ástæðum til vitrænnar umfjöllunar hjá Agli Helgasyni.
Þess í stað skrumskælir hann ummæli innhringjanda á Útvarpi Sögu og telur sig þess bæran að túlka það sem innhringjandinn hafi örugglega ætlað að segja. Sínar eigin vangaveltur gerir hann nú að skoðun Útvarps Sögu og birtir á forsíðu DV.
Nú er spurning fyrir hvorn herrann var Egill Helgason að vinna þá er hann skrifaði þessa grein? Hver hagnast mest á falsgreinum Egils Helgasonar? Er tilvist Útvarps Sögu lýðræðinu að kenna?
Ábendingar óskast sendar á netfangið: saga@utvarpsaga.is
