Formaður hermálanefndar Atlantshafsbandalagsins, Petr Pavel hershöfðingi sem staddur er á Íslandi fundaði í gærmorgun með Stefáni Hauki Jóhannnessyni ráðuneytisstjóra utanrikisráðuneytisins, auk þess sem hann hitti aðra embættismenn ráðuneytisins, forstjóra Landhelgisgæslunnar og starfsmenn hennar.Á fundunum var rætt um stöðu alþjóðlegra öryggismála og þau verkefni sem Atlantshafsbandalagsið glímir við í ljósi breyttra aðstæðna í öryggismálum Evrópu. Rædd voru störf, stuðningur og framlög Íslands á vettvangi bandalagsins, m.a. til samstöðuaðgerða, í Afganistan, á vettvangi bandalagsins sjálfs og á Íslandi, þ.m.t. rekstur íslenska loftvarnarkerfisins.
Þá hélt formaður hermálanefndarinnar einnig hádegisfyrirlestur í Norræna húsinu í boði Varðbergs, þar sem hann fjallaði um nýjar áskoranir í Norður-Evrópu.
