Rússneskur faðir ,Denis Lisov sem hafði flutt til Svíþjóðar með dætrum sínum hefur fengið hæli í Póllandi eftir að sænsk yfirvöld höfðu tekið dætur hans frá honum. Þetta kom fram í máli Gústafs Skúlasonar í þættinum Heimsmálin, fréttir og fréttatengt efni af erlendum vettvangi í dag en hann var viðmælandi Péturs Gunnlaugssonar.
Í þættinum greindi Gústaf frá sögu föðursins sem sviptur var dætrum sínum af hálfu félagsmálayfirvalda í Svíþjóð, þar sem hann var talinn ekki geta séð fyrir þeim og voru dætur hans vistaðar hjá múslimskri fjölskyldu. Maðurinn var að vonum afar ósáttur við aðgerðir yfirvalda
“ svo gerði maðurinn tilraun til þess að sækja dætur sínar og ætlaði aftur með þær til Rússlands og var þá handtekinn á flugvellinum í Varsjá vegna þess að sænsk stjórnvöld höfðu lýst honum sem hættulegum manni “ segir Gústaf.
Eftir nánari rannsókn pólskra yfirvalda á bakgrunni mannsins var manninum veitt pólitískt hæli í Póllandi þar sem niðurstaða pólskra yfirvalda var sú að mannréttindi hefðu verið brotin á manninum. Hann hefur nú fengið dætur sínar til sín á ný.
Hlusta má á þáttinn í spilaranum hér að neðan.