Jens G. Jensson skipstjóri sem hefur ferðast mikið um nágrannalönd Íslands undanfarin ár segir þær breytingar sem eru tilkomnar vegna fólksflutninga milli menningarsamfélaga hafa mikil áhrif á þau samfélög sem taka á móti fólki í stórum stíl. Jens sem var gestur Edithar Alvarsdóttur í síðdegisútvarpinu á föstudag lýsti meðal annars því að hraðbankar á stærstu brautarstöð Danmerkur hafi verið fjarlægðir þar sem viðskiptavinir bankanna hafa ítrekað verið rændir eftir að hafa tekið út reiðufé, og þá var Jens ráðlagt að fara varlega um svæðið “ mér var sagt að stoppa ekki lengur við en ég nauðsynlega þyrfti þar sem helstu fórnarlömb ræningja væru fólk á miðjum aldri, þetta er í rauninni ástandið í þessum nágrannalöndum okkar, að innviðir samfélagsins eru nánast yfirteknir af fólki sem er af annari menningu og lítur allt öðruvísi á hlutina heldur en við gerum„,segir Jens.