Sigmundur Davíð Gunnlaugsson formaður Framsóknarflokksins og fyrrverandi forsætisráðherra boðar að þingflokkur Framsóknar muni leggja fram frumvarp um afnám verðtryggingarinnar ef sýnt er að ríkisstjórninni takist ekki að klára málið á kjörtímabilinu. Þetta kom fram í máli Sigmundar í síðdegisútvarpinu í dag en Sigmundur var gestur Arnþrúðar Karlsdóttur og Péturs Gunnlaugssonar. Hann segir ljóst að ríkisstjórnin verði að taka á verðtryggingunni „ það er augljóst að ríkisstjórnin verður að taka á þessum verðtryggingarmálum af alvöru og takist þeim ekki að klára málið algjörlega á kjörtímabilinu þá þarf hún að minnsta kosti að vera búin að stíga það stórt skref að það verði ekki aftur snúið og að það muni klárast í framhaldinu, þannig að ef það stefnir ekki í það að ríkisstjórnin klári það þá held ég að þingflokkur Framsóknarmanna, og ég mun taka þátt í því og er alveg reiðubúinn að vera fyrst flutningsmaður þess, muni leggja fram frumvarp um afnám verðtryggingarinnar„,segir Sigmundur.
