Pedro Sánchez, forsætisráðherra Spánar tilkynnir nýjar kosningar á blaðamannafundi í morgun. Skjáskot El Pais.
Pedro Sánchez, forsætisráðherra Spánar, sagði á blaðamannafundi í morgun að efnt yrði til nýrra kosninga á Spáni 28. apríl n.k. Minnihlutastjórn Sánchez kom ekki fjárlögum í gegn vegna þess að tveir aðskilnaðarflokkar Katalóníu, sem hafa stutt ríkistjórnina, studdu ekki fjárlögin. Sánchez sagði í ávarpinu að „í valinu á milli þess að gera ekki neitt og halda áfram án fjárlaga eða leggja málið í dóm Spánverja, þá valdi ég hið síðara. Ég hef mælt fyrir um lausn þingsins og að kosningar verði haldnar 28. apríl„.
Þetta verða þriðju þingkosningar á Spáni á fjórum árum og marka óstöðuleikann í stjórnmálum landsins. Kosið er til beggja deilda þingsins með 350 sætum í fulltrúadeildinni og 266 sætum í öldungadeild. Þrátt fyrir að sósíalistaflokkur Sánchez mælist stærstur flokka með um yfir 24% fylgi í skoðanakönnunum, þá hafa hægri flokkarnir People Party (PP) og Ciudadanos sótt sig á, nú síðast með sigri í Andalúsíu í desember s.l. í bandalagi með nýjum hægri flokki Vox. Aðskilnaðarsinnar Katalóníu leggjast eindregið gegn hægri stjórn og því erfitt að segja neitt fyrr en að kosningum loknum hver staðan verður. Sjá nánar hér.
