Alexey Shadsky yfirsendiráðunautur sendiráðs Rússlands.
Viðskiptabann Evrópu á Rússland hefur orðið til þess að Rússland hefur snúið úr vörn yfir í sókn og til aukinnar sjálfbærni. Þetta var meðal þess sem fram kom í máli Alexey Shadsky yfirsendiráðunauts í Sendiráði Rússlands í síðdegisútvarpinu í dag en hann var gestur Hauks Haukssonar. Alexey bendir á að sem dæmi hafi landbúnaðarframleiðsla aukist og nú séu rússar að verða sjálfbærari með ýmsar landbúnaðarvörur en áður. Þáttinn má hlusta á í spilaranum hér að neðan en Alexey sat þar meðal annars fyrir svörum hlustenda sem hringdu inn og komu með spurningar og vangaveltur um málefni Rússlands.
