Þingmenn Sjálfstæðisflokks, Viðreisnar og Samfylkingar eru sammála um að vandi sé á höndum í heilbrigðismálum á Íslandi en hafa afar ólíka sýn á hvernig leysa skal úr þeim vandamálum sem heilbrigðiskerfið stendur frammi fyrir. Þetta var meðal þess sem fram kom í máli Brynjars Níelssonar þingmanns Sjálfstæðisflokksins, Jónu Sólveigar Elínardóttur þingmanns Viðreisnar og Oddnýjar G. Harðardóttur þingmanns Samfylkingarinnar í kosningaútvarpinu í dag en þau voru þar gestir Dr. Ólínu Kjerúlf Þorvarðardóttur. Í þættinum var farið vítt og breytt yfir svið heilbrigðismálanna og farið yfir þann vanda sem að steðjar í kerfinu og þær leiðir og framtíðarsýn flokkanna í heilbrigðismálum, en eins og fyrr segir eru tillögur flokkanna til úrbóta í málaflokknum afar ólíkar. Viðtalið má heyra í spilaranum hér að neðan.