Mennta- og menningarmálaráðherra samþykkti á dögunum að ákveðin svæði innan sveitarfélaga njóti sérstakrar verndar og verði skilgreind sem sérstök verndarsvæði í byggð. Miðsvæði Djúpavogs og Garðahverfi á Álftanesi eru fyrstu verndarsvæðin til þess að verða sett á lista yfir þau svæði.Í tilkynningu segir að markmiðið með lögunum sé að stuðla að vernd og varðveislu byggðar sem hefur sögulegt gildi. Ákvörðun ráðherra um að svæði njóti slíkrar verndar byggir á tillögum frá sveitarstjórn eða Minjastofnun Íslands og er virk þátttaka sveitarfélaga í verndun slíkra svæða afar þýðingarmikil. Eins og fyrr segir er þetta í fyrsta sinn sem svæði um verndarsvæði í byggð eru skilgreind með staðfestingarskjali og var það kjarninn í miðsvæði Djúpavogskauptúns sem skilgreindur var fyrstur. Það svæði hefur fengið heitið Verndarsvæðið við voginn að tillögu sveitarstjórnar Djúpavogshrepps. þá undirritaði ráðherra samskonar skjal sem staðfesti tillögu bæjarstjórnar í Garðabæ um að gera Garðahverfi á Álftanesi að verndarsvæði í byggð. Tillögurnar voru báðar unnar í samstarfi við Minjastofnun Íslands.
