Joe Biden er nú beðinn af liðsmönnum eigin flokks um að breyta stefnu sinni í Úkraínumálinu og vinna að friðarlausn segir í frétt Reuters. Bandaríkin hafa hingað til sent yfir 60 milljarða dala hernaðaraðstoð til Úkraínu.
Innan bæði demókrata og repúblikana eru gagnrýnisraddir, sem telja að átakalína Hvíta hússins sé bæði kostnaðarsöm og stuðli að því að magna stríðið á milli Rússlands og Úkraínu.
Í fulltrúadeildinni hafa 30 þingmenn demókrata nú komið saman til að hvetja Biden forseta til að vinna að friðarviðræðum. Í bréfi þingmannanna (sjá neðar á síðunni) til Joe Biden segir:
„Í ljósi þeirrar eyðileggingar sem þetta stríð hefur skapað fyrir Úkraínu og heiminn, sem og hættuna á hörmulegri stigmögnun, teljum við einnig að það sé í þágu Úkraínu, Bandaríkjanna og heimsins að forðast langvarandi átök.“
Stjórnmálamennirnir gagnrýna hins vegar ekki opinberlega, þá hernaðaraðstoð sem Bandaríkjastjórn hefur þegar sent til Úkraínu.
Gagnrýnendur repúblikana hafa verið skýrari með að þeir vilji innleiða hert eftirlit með aðstoð við Úkraínu, ef flokkur þeirra nær völdum á þinginu eftir miðkjörfundarkosningarnar síðar á þessu ári, skrifar Reuters.
