Valdaelítan í framkvæmdastjórn ESB ætlar að skipta út venjulegum ökuskírteinum fyrir stafræn ökuskírteini. Eiga þau að gilda þvert á öll landamæri í aðildarríkjum ESB.
Framkvæmdastjórn Evrópusambandsins hefur komið með margar tillögur sem varða bílaumferð í Evrópu. Meðal annars hefur verið sett fram sú framtíðarsýn að engin dauðaslys verði í umferðinni fyrir árið 2050. Banna á sölu bíla sem keyra á dísil og bensíni eftir 2035. Til þess að ná þessu skáldsagnakennda markmiði verður m.a. krafist ökuskírteinis fyrir að keyra svokallaðar A-dráttarvélar. Hámarkshraði þeirra er 30 km. og hefur skellinöðrupróf dugað hingað til. Frá þessu segir sænska ríkisútvarpið.
Framkvæmdastjórn ESB vill skipta út venjulegum innplöstuðum ökuskírteinum fyrir stafræn ökuskírteini sem verða þau einu sem verða alls staðar í gildi. ESB er á hraðferð í stafrænan heildarpassa fyrir alla einstaklinga að hætti kínverska kommúnista. Adina Vălean, yfirmaður samgöngumála ESB, segir:
„Við viljum að ESB skipti yfir í stafrænt ökuskírteini sem virkar þvert á öll landamæri innan ESB.“
Geta svipt þig ökuskírteininu fyrir að fara yfir leyfilegan loftslagskvóta
Tillagan hefur verið send til ESB-þingsins til umfjöllunar. Samkvæmt Europaportalen verður stafræna ökuskírteinið hið „fyrsta sinnar tegundar í heiminum.“ Á samfélagsmiðlum ríkir mikil vantrú og áhyggjur af raunverulegu markmiði þessara stafrænu ökuskírteina:
„Það er vegna heilsu þinnar og fyrir þitt eigið öryggi sem við lokum ökuskírteininu þínu, þar sem þú hefur þegar náð hámarki koltvísýrings og þeirrar vegalengdar sem þú mátt ferðast á þessu ári. Reikningurinn þinn verður settur á núll aftur eftir 4. febrúar 2024.“
„Skilurðu hversu slæmt þetta er fyrir frelsi okkar?!“ spyr Henistan samanber tístið að neðan:
