Arnþrúður Karlsdóttir ræddi við Siggu Kling í síðdegisútvarpinu um alþjóðastjórnmál, stríðið í Úkraínu, Evrópusambandið og þróun valds og áhrifa í heiminum. Sigga sagði að verulegar breytingar væru að eiga sér stað á alþjóðavettvangi og taldi að á næstu misserum myndu koma fram frekari upplýsingar um ákvarðanir og valdakerfi sem almenningur hefði hingað til haft takmarkaða innsýn í. Hlusta má á þáttinn í spilaranum hér að neðan.
Ósanngjarnt að almenningur í Rússlandi sé látinn bera ábyrgð
Sigga gagnrýndi refsiaðgerðir og ferðatakmarkanir sem beinst hafa að rússneskum ríkisborgurum frá upphafi stríðsins í Úkraínu. Hún taldi ósanngjarnt að almenningur bæri ábyrgð á ákvörðunum stjórnvalda sinna og sagði að sama sjónarmið ætti að gilda gagnvart öðrum þjóðum sem tengdust hernaðarátökum eða deilum. Hún nefndi einnig Ísrael og sagði að vestræn ríki beittu ekki alltaf sömu mælikvörðum gagnvart öllum ríkjum. Að hennar mati væri tvískinnungur áberandi í alþjóðlegri umræðu um stríð, refsiaðgerðir og mannréttindamál.
Friðarviðræður nauðsynlegar
Sigga ræddi stöðu stríðsins í Úkraínu. Hún taldi að friðarviðræður væru nauðsynlegar og sagði að langvarandi átök þjónuðu oft hagsmunum afla sem hefðu fjárhagslegan eða pólitískan ávinning af áframhaldandi stríðsrekstri.
Þá kom fram í þættinum að almenningur hefði afar takmarkaðar upplýsingar um ráðstöfun þeirra miklu fjárhæða sem runnið hefðu til stríðsins og taldi Sigga að meiri gagnsæi þyrfti að ríkja um slíkar ákvarðanir.
Ursula von der Leyen meðal leiðtoga sem sæta aukinni gagnrýni
Í þættinum var einnig rætt um stöðu Evrópusambandsins. Leiðtogar Evrópu stæðu frammi fyrir aukinni gagnrýni og ákvarðanir sem teknar hefðu verið undanfarin ár ættu eftir að sæta meiri skoðun en áður. Meðal þeirra leiðtoga sem sætt hafa gagnrýni sé Ursula von der Leyen meðal annars fyrir að leyna upplýsingum í tengslum við Covid faraldurinn og þeim ágóða sem hún hafði af sölu bóluefna til fjölda landa, þar á meðal til Íslands.
Epstein-málið tákn um aukna kröfu um gagnsæi
Sigga sagði að Jeffrey Epstein-málið hefði orðið táknrænt fyrir aukna kröfu almennings um upplýsingar um áhrifafólk, stjórnmálamenn og valdastofnanir. Hún taldi að fleiri mál af svipuðum toga ættu eftir að koma fram á næstuunni og að sífellt erfiðara yrði að halda upplýsingum frá almenningi. Það væru í gangi afhjúpanir á mörgun sviðum erlendis sem yrði ekki hægt að stoppa.
Samfélagsmiðlar og nýjar upplýsingaleiðir hefðu breytt því hvernig fólk fylgdist með alþjóðamálum og gert almenningi auðveldara að nálgast upplýsingar sem áður hefðu verið utan seilingar.
Krafan um aukið gagnsæi fari vaxandi
Sigga taldi að auknar afhjúpanir og breytt upplýsingaflæði myndu halda áfram að hafa áhrif á stjórnmál og samfélagsumræðu víða um heim. Hún sagði að almenningur sætti sig síður en áður við skort á upplýsingum um ákvarðanir stjórnvalda, alþjóðastofnana og áhrifamikilla einstaklinga. Stjórnmálamenn og áhrifafólk yrði afhjúpað.
Hlusta má á ítarlegri umfjöllun í spilaranum hér að neðan.