Pete Hegseth, varnarmálaráðherra Bandaríkjanna, segir Bandaríkin ekki lengur ætla að niðurgreiða varnir auðugra ríkja innan NATO og krefst þess að bandalagsríki taki meiri ábyrgð á eigin varnarmálum. Þetta kemur fram í frétt RT. Bandaríkin fjármagna um 60 til 62%af ehildarútgjöldum NATO á síðasta ári.
Hegseth lét þessi orð falla á stórri öryggisráðstefnu í Singapúr þar sem hann sagði Bandaríkin þurfa „samstarfsaðila en ekki verndarsvæði“.
Segir tímum niðurgreiðslna lokið
„Tími þess að Bandaríkin niðurgreiði varnir auðugra ríkja er liðinn,“ sagði Hegseth samkvæmt yfirlýsingu frá bandaríska varnarmálaráðuneytinu. Hann sagði stefnu ríkisstjórnar Donald Trump miða að því að færa meiri hernaðarlega áherslu yfir á Indó-Kyrrahafssvæðið og bregðast við vaxandi áhrifum Kína. Samkvæmt Hegseth verða bandalög framtíðarinnar að byggjast á sameiginlegri ábyrgð en ekki því að ríki reiði sig á Bandaríkin til varna.
Gagnrýnir NATO-ríki fyrir að leggja til þjórfé
Á ráðstefnunni gagnrýndi Hegseth einnig NATO-ríki sem ekki leggja nægilega mikið til varnarmála og sagði 2% markmið bandalagsins nánast jafngilda þjórfé . NATO-ríkin samþykktu árið 2014 að verja að minnsta kosti 2% af vergri landsframleiðslu til varnarmála, en mörg Evrópuríki náðu því markmiði ekki fyrr en árið 2025. Þrátt fyrir það stóðu Bandaríkin enn undir um 60 til 62% af heildarútgjöldum NATO til varnarmála á síðasta ári.
Vilja 5% af landsframleiðslu í varnarmál
NATO-ríkin samþykktu á síðasta ári að stefna að því að verja 5% af vergri landsframleiðslu til varnarmála og öryggismála fyrir árið 2035. Markmiðið hefur þó mætt andstöðu frá nokkrum Evrópuríkjum. Pedro Sanchez forsætisráðherra Spánar hefur kallað það „óraunhæft“ og „skaðlegt“, á meðan Belgía og Slóvakía hafa einnig lýst áhyggjum af umfanginu.
Ágreiningur um Íran eykur spennu
Ágreiningurinn milli Bandaríkjanna og Evrópuríkja nær nú einnig til utanríkis- og hernaðarmála vegna átaka við Íran. Spánn hefur hafnað því að leyfa bandarískum hersveitum að nota sameiginlegar herstöðvar til árása gegn Íran og bæði Frakkland og þýskaland hafa neitað Bandaríkjunum að nota eigin hersöðvar en vilja diplómatíska lausn.
Donald Trump Bandaríkjaforseti gagnrýndi síðar viðbrögð bandalagsríkjanna og sagði nokkuð sláandi að ríki sem styðji markmið Bandaríkjanna vilji ekki taka þátt í aðgerðum þeirra.