Rudy Giuliani, fyrrverandi borgarstjóri New York borgar og alríkissaksóknari, var í stríðsherbergi Steve Bannon á föstudagskvöldið. Giuliani,sem var lögmaður í suðurhluta New York 1983-1989, varð frægur fyrir að ná fimm fjölskyldum mafíunnar á ótrúlegan hátt.
RadioTimes greinir frá: Giuliani ákærði 11 skipulagða glæpamenn, þar á meðal foringja hinna svokölluðu „fimm fjölskyldna“ í New York, fyrir m.a. fjárkúgun, vinnuafbrot og leigumorð. Times Magazine kallaði það „mikilvægustu árásina á innviði skipulagðrar glæpastarfsemi síðan yfirstjórn Chicago mafíunnar var sópuð burt árið 1943.“ Vitnað var í yfirlýstan ásetning Giuliani: „Okkar nálgun er að þurrka út fjölskyldurnar fimm.“
Skotheldustu upplýsingar sem ég hef séð
Á föstudagskvöldið sagði Rudy Giuliani í viðtali hjá Steve Bannon, að bandarísk stjórnvöld hefðu fleiri sannanir til að ákæra Biden glæpafjölskylduna en hann hafði gegn fjölskyldunum fimm á níunda áratugnum. Kemur yfirlýsingin í kjölfar þess, að öldungadeildarþingmaðurinn Chuck Grassley, repúblikani, birti skjal FBI 1023 sem sannar, að Joe og Hunter Biden fengu 5 milljónir dollara hvor frá stofnanda Burisma til að þrýsta á forseta Úkraínu að reka saksóknarann sem rannsakaði fyrirtækið. Rudy Giuliani sagði:
„Þetta eru líklega skotheldustu upplýsingar sem ég hef nokkurn tíma séð. Það hefur verið staðfest með um þriggja ára uppljóstrun, þar á meðal raunverulegum vitnisburði sem fólk hefur séð eða getur séð að hafi verið tekið upp á segulband. Ég meina, Shokin hefur vitnað, maðurinn sem var rekinn… Biden játaði það þegar hann var fyrir framan Atlantshafsráðið.“
Eins og Lísa í Undralandi
„Harðdiskurinn inniheldur að minnsta kosti fimm texta sem yrðu notaðir fyrir upptöku málsins. Það besta er, að Hunter sendir dóttur sinni textaskilaboð þar sem hann segir í hreinskilni: „Ég hef þurft að gefa helming tekna minna síðustu 30 árin til að pabba. Sagt er að engar vísbendingar séu um að peningar hafi farið til pabbans. Hvað með að sonur hans segist hafa látið hann fá peningana? Ég hef aldrei fengið betri sannanir en það. Steve, þetta er eins og Lísa í Undralandi.“
