Þeir sem eru gamaldags og trúa ekki að karlmenn geti orðið ófrískir eru sagðir transfóbískir ofbeldisseggir
Könnun sem gerð var af WPA Intelligence hefur leitt í ljós að næstum fjórðungur kjósenda demókrata telur að „sumir karlmenn geti orðið óléttir.“ 22% sögðu fullyrðinguna vera sanna. Könnunin leiddi einnig í ljós að fleiri konur voru sammála fullyrðingunni, 36 % hvítra, háskólamenntaðra kvenkyns demókrata voru sammála. Conor Maguire forstjóri WPAi sagði:
„Með 36% af kjarna demókrata (háskólamenntaðar hvítar demókratískar konur) og einn af hverjum fimm kjósendum demókrata sem trúa þessu, þá er hægt að skilja, hvers vegna leiðtogar demókrata ýta undir róttæka hreyfingu í kynjafræðum.“
Niðurstöðurnar koma í kjölfar þess að vitni demókrata sögðu í yfirheyrslum dómsmálanefndar Bandaríkjaþings, að þau telji að karlmenn geti orðið óléttir og farið í fóstureyðingu. Khiara Bridges, lagaprófessor við UC Berkley, neitaði að nota orðið „kona“ og sakaði Josh Hawley öldungadeildarþingmann Missouri um að vera „transfóbískan“ og „hvetja til ofbeldis“ fyrir að segja að karlmenn geti ekki fætt börn. Mörg þeirra sem komu fyrir nefndina neituðu líka að skilgreina hvað kona er. Fatima Goss-Graves forseti lagaréttinda þjóðlegra kvenna, sagði repúblikönum að þeir væru „að reyna að gefa í skyn, að fólk sem skilgreinir sig ekki sem konur geti ekki orðið ólétt.“
Núna á að segja fæðingaraðili í staðinn fyrir kona og mannkynsmjólk í staðinn fyrir brjóstamjólk
Þetta sem sumir segja að sé hreinasta brjálæði, er ekki eingöngu bundið við rétttrúnaðarfræðimenn, sem láta í sér heyra á þinginu, heldur er verið að þýða raunveruleikann upp á nýtt. Orð eins og „kona“ eða „móður“ er skipt út fyrir „fæðandi aðila“ eða „ófrískan.“ Er læknum ráðlagt að nota nýju orðin í staðinn til að trufla ekki fólk með kynja- eða önnur vandamál.
The Academy of Breastfeeding Medicine í Bandaríkjunum hefur gefið út nýjan handbók, þar sem sjúkrahúsum og heilbrigðisstarfsmönnum er ráðlagt að aðlaga málfarið og gera það meira „kynbundnara.“ Í handbókinni er listi yfir „hefðbundin hugtök“ eins og „brjóstamjólk“ og síðan stungið upp á rétttrúnaðarvalkostum eins og „mannkynsmjólk, foreldramjólk og/eða föðurmjólk.“
Lýðheilsan í Bretlandi olli deilum með því að eyða öllum tilvísunum í konur úr upplýsingatexta á netinu um tíðahvörf, sem hingað til hafa eingöngu verið bundið konum. Í sama mánuði sem var „Pride mánuður“ þá breytti lýðheilsan leiðbeiningasíðum sínum á Internet um krabbamein í eggjastokkum og fjarlægði dæmi um „konur“ sem voru í aðgerð. Var það gert að sögn heimildarmanna til að verða meira kynbundnari gagnvart trans, kynlausum og fjölkynja fólki.
Leitarvélar netrisanna mataðar á rétttrúnaði svo hægt sé að leiðrétta öll vitlausu orðin sem notendur slá inn
Þessi þróun hefur náð svo langt að farið er að breyta skilgreiningu orðsins kona í orðabókum svo allir geti auðkennt sig og enginn móðgist. Netrisarnir aðstoða einnig notendur að fóta sig í nýju kynjafræðunum. Ef þú slærð inn „rangt“ orð mun Google leiðrétta málfar þitt til að hjálpa þér að innræta rétttrúnaðinn og aðlaga þig betur að kynbundnari afstöðu.
