Sænska blaðakonan Katarina Janouch kallar ekki allt fyrir ömmu sína, alla vega ekki að standa upp og verja heiður blaðamannastéttarinnar. Í nýrri drápu gegn huglausum blaðamönnum flengir hún þá, sem selt hafa út sálu sína og heiður starfsins og þegja fyrir nokkra aura á stóru fjölmiðlunum. Útgangspunktur Katarinu er læknaráðstefnan í Stokkhólmi síðustu helgi en hún var ein af ráðstefnugestum. Að neðan er pistill hennar á Swebbtv.
Hver einasti blaðamaður stóru miðlana ætti að sofa illa – og velta því fyrir sér hvernig þeir gátu selt blaðamannaheiðurinn
Þúsund manns rísa sameiginlega upp í yfirgnæfandi lófaklappi. Heill ráðstefnusalur í höfuðborg Svíþjóðar er fullur af fólki sem hefur komið víða að til að hlusta á fjölmarga virta vísindamenn, lækna og prófessora, marga erlendis frá til að miðla þekkingu sinni, sem byggir á sönnunargögnum og staðreyndum. Viðfangsefnin sem fjallað er um eru miðlæg í heilsu og læknisfræði og er talið að þessi fjölsótta ráðstefna ætti að vekja innræti hvers blaðamanns til að taka þátt, reyna að finna út meira, skrásetja. En í staðinn ríkir ögrandi þögn. Engar fréttastofur hafa sent starfsmenn sína. Og það vekur mig til umhugsunar, eru engir alvöru blaðamenn eftir hjá almennum fjölmiðlum, eru þeir bara keyptar dúkkur sem velja möglunarlaust að þegja, þegar stórt læknahneyksli kemur upp á yfirborðið?
Þeir hefðu allir átt að vera hér, á stóru læknaráðstefnunni, sem fór fram dagana 21.-22. janúar á Waterfront Congress í Stokkhólmi og dró til sín yfir þúsund gesti, sem margir starfa við heilbrigðisþjónustu.
Þið hefðuð átt að vera hér. Þið sem kallið ykkur rannsóknarblaðamenn. Skyttur. Þið hefðuð átt að slást til að komast inn. Þið hefðuð átt að sækja um að vera samþykktir fyrir mánuðum síðan. Ritstjórar ykkur hefðu átt að senda ykkur, segja ykkur að þetta væri mikilvægt. Þið hefðuð átt að sitja á fundum til að skipuleggja starfið og ræða, hvernig þið gætið best tekið á öllum þeim málum sem hrannast upp í höfðinu og ekki er hægt að loka fyrir.
Sköpuðu skelfingu í heiminum 2020 en þegja núna ár 2023
Hver einasti maður sem kallar sig blaðamann, grafandi eða rannsakandi, ætti að vera svefnlaus mánuðum saman og velta fyrir sér þeim truflandi og skelfilegu fréttum, sem streyma inn bæði erlendis frá og hér í Svíþjóð. Ótrúlegur fjöldi aukaverkana. Skyndilegur dauði fullorðinna. Íþróttamenn sem hrynja og deyja í miðju hlaupi! Þið sem sögðuð frá því, hvernig Kínverjar hrundu niður á götum úti og skelfduð allan heiminn í ársbyrjun 2020, þið þegið núna árið 2023, þegar yfir þúsund afreksíþróttamenn, ungir að árum með allt lífið framundan hafa orðið „skyndidauða“ að bráð.
Ég gæti haldið áfram: Vaxandi heilasjúkdómar. Lækkandi fæðingartíðni í Svíþjóð og annars staðar í Evrópu. Of há dánartíðni. Túrbó krabbamein. Margföld krabbamein. Frægt fólk sem þjáist af andlitslömun, hjartavandamálum, heilablóðfalli. Frægar persónur sem reyndar í sumum tilfellum hafa tjáð sig og borið vitni um, hversu illa þeim leið eftir að hafa fengið sprautur. Eric Clapton samdi meira að segja lag um það! Samtímis: Virtir vísindamenn og læknar sem voru þaggaðir og smáðir. Svokallaðir „staðreyndakönnuðir“ á Facebook, til dæmis, sem eru styrktir af lyfjafyrirtækjum – sömu lyfjafyrirtækjum og framleiða efnablöndur sem upphaflega voru sagðar geta stöðvað kórónuveiruna… En reynast í staðinn í auknum mæli vera tæki sem slær út ónæmiskerfi mannsins.
Ekki „bóluefnaandstæðingar“ sem mótmæla í hjólastólum í London
Og þessi mótmæli, guð minn góður, þúsundir manna á götum stórborga, nú síðast í London, fólk í hjólastólum, með einhvers konar óþekktan kvilla? Miðar með alvarlega sjúkum og látnum, sem eru settir upp á fréttastofum BBC… og öll þessi börn og ungmenni sem dóu! Fullfrískar stúlkur og strákar sem dóu bara allt í einu! Jafnvel smábörn í þeim löndum þar sem sprautað er í þau allra minnstu.
Hver er þessi risastóri fíll sem stendur í miðju herberginu, ætti ekki hver einasti blaðamaður með sóma að reyna að komast að því hvað er í gangi? Það eru ekki „bóluefnaandstæðingar“ sem ganga um götur London og mótmæla, þetta fólk í hjólastólum hefur tekið Covid sprautuna sína eins og ríkið sagði þeim að gera. Og samt er fólkið veikt. Mjög, mjög veikt. Sumir geta ekki gengið lengur. Aðrir hristast stjórnlaust. Þeir hafa fengið blóðtappa og útbrot. Sjálfsofnæmissjúkdóma. Þeir þjást.
En sænskir blaðamenn stóru fjölmiðlana hafa ekki áhuga. Þeir þegja. Þeir segja ekki frá undarlegum hlutum sem eru í gangi. Þeir vilja ekki svör við spurningum sem hrannast upp, eins og þögul spurningarmerki í þokunni. Hvernig sofið þið allar konur og karlar sem tilheyrið „þriðja ríkisvaldinu“ þið sem eruð þarna til að upplýsa borgarana um þá hluti sem eru að gerast í samfélaginu? Það er sagt að frjáls blaðamennska sé trygging fyrir málfrelsi og lýðræði, en hvers vegna kjósa þá stóru fjölmiðlarnir algjörlega að hylja og þagga niður í rannsóknum og vísindum sem fara út fyrir rammann og benda á það augljósasta: Að hér liggur mjög stór hundur grafinn. Allir blaðamenn með eðlishvöt ættu að fara að grafa! Sérhver blaðamaður með ósnortna eðlishvöt ætti að leggja sig fram um að komast að sannleikanum.
Svokallaðir „blaðamenn“ fengnir til að rægja fólk sem vill koma staðreyndum á framfæri
Þess í stað loka hinir svokölluðu blaðamenn augunum. Í stað þess að grafast fyrir um hvernig stendur á því, að t.o.m 5. janúar 2023 hafa samtals 104.874 tilkynningar borist og verið skráðar um meintar aukaverkanir vegna bóluefna sem notuð eru gegn covid-19 í Svíþjóð. 7749 alvarlegar aukaverkanir bara fyrir t. d. Comirnaty, samkvæmt sænsku Lyfjastofnuninni. Í tengslum við bólusetningu með svínaflensu var bólusetningu hætt, þegar alvarlegar aukaverkanir og dauðsföll komu í ljós. En þrátt fyrir að alvarlegar aukaverkanir og dauðsföll séu margfalt fleiri í tengslum við bólusetningu gegn Covid-19, þá heldur Lýðheilsan áfram að mæla með fjöldabólusetningu og örvunarbólusetningu. Hvernig stendur á því? Af hverju velta blaðamennirnir því ekki fyrir sér og hefja umræðu um málið?
En blaðamennirnir hafa ekki áhuga. Þess í stað kjósa þessir svokölluðu blaðamenn að rægja fólk sem hefur áhuga á að koma öllum staðreyndum á framfæri, með ljótum og niðrandi háðsyrðum. Já, ég skrifa „svokallaða blaðamenn“ vegna þess að þeir hafa brugðust hlutverki sínu. Þeir hafa engan áhuga á sannleikanum og gefa þeim sem slasast alvarlega af sprautunum engan gaum. Og jafnvel þó að það komi í ljós, að það sem gagnrýnir vísindamenn og læknar eru að segja sé algjörlega rangt (sem er það því miður ekki), þá ættu heiðarlegir blaðamenn að segja frá því að þessar umræður séu í gangi og gefa þeim rými. Þeir ættu ekki að reyna að kæfa umræðuna og láta eins og miklar mannlegar þjáningar séu ekki í gangi allt í kringum okkur.
Sannleikurinn seytlar fram – lygastíflan er að springa
En sannleikurinn er eins og ljón. Slepptu því og það mun verja sig. Ég hef skrifað það áður og ég mun skrifa það aftur, 2023 er árið þegar sannleikurinn streymir fram og verður ekki stöðvaður. Ráðstefna Læknaákallsins fór fram, yfir þúsund manns og margir alþjóðlegir vísindamenn voru þar, þar á meðal breski hjartalæknirinn Aseem Malhotra (sem missti föður sinn eftir bólusetningu gegn kórónuveirunni) og Robert Malone (einn þeirra sem þróaði mRna tæknina og er nú einn af stærstu gagnrýnendunum). Sífellt stærri fjölmiðlar birta rannsóknir þeirra og gagnrýni á peningastinn lyfjafyrirtæki og fjölmiðla á alþjóðavettvangi.
Sannleikurinn seytlar fram, lygastíflan er að springa. Lygafullir blaðamenn sem reyna á krampafullan hátt að loka augunum eru á rangri hlið sögunnar. Þegar kemur að lyfjum sem valda skaða eins og t.d. Neurosedyn, hvar vilja þeir sjálfir að þeir hefðu verið? Á hlið gagnrýninna rannsakenda, sem afhjúpuðu tengslin og björguðu fleiri börnum frá ævilöngum skaða? Eða á vallarhelming lyganna, sem sópaði sannleikanum undir teppið og verndaði þá seku, sem ollu þjáningum og eyðilögðu líf? Þið ættuð virkilega að hugsa um verkefni ykkar, sænskir, almennir blaðamenn. Einn daginn verður það of seint og traustið á ykkur verður aldrei endurreist. Spyrjið ykkur sjálfa, hvort það sé virkilega þess virði.
KATERINA JANOUCH
kynnir og dálkahöfundur Swebbtv, rithöfundur og blaðamaður
