Það skýtur skökku við að hér á landi er stefnt að fleiri covid sprautum á meðan vitað er að hér á landi eru hlutfallslega flest umfram dauðsföll sem ekki hafa fengist skýringar á. Þetta var meðal þess sem fram kom í þættinum Heimsmálin, fréttir og fréttatengt efni af erlendum vettvangi í dag en þar ræddi Arnþrúður Karlsdóttir við Leif Árnason flugstjóra sem vel hefur kynnt sér afleiðingar og aukaverkanir af Covid bóluefnum.
Í þættinum rifjaði Arnþrúður upp Svandís Svavarsdóttir heilbrigðisráðherra hafi kvittað undir samninga við lyfjarisana á sínum tíma en í samningunum kom meðal annars fram að með undirskrift væri verið að samþykkja að lyfjarisarnir tækju enga ábyrgð á sínar herðar af mögulegum afleiðingum þess að efnunum væri sprautað í fólk.
Leifur segir umræðuna erlendis varðandi tengsl umfram dauðsfalla við bóluefnin fari vaxandi og meðal annars sé málið til umfjöllunar á Breska þinginu. Hér á landi fari hins vegar lítil sem engin umfjöllun fram um málið þrátt fyrir að tíðni umfram dauðsfalla sé hlutfallslega mest hér á landi eða 55,8%, en þær upplýsingar komu fram í Færeyskum fjölmiðlum á dögunum.
Þá segir Leifur að breski þingmaðurinn Bridgen hafi látið hafa eftir sér að nóg sé að gjóa augunum á tölur um umfram dauðsföll til þess að sjá að það sé mjög sterk tenging á milli umfram dauðsfalla og covid bólusetninga í Bretlandi og það sé aðkallandi að það fari fram rannsókn á þessum tengslum. Þingmaðurinn bendir á að tugþúsundir séu að deyja í Bretlandi í framhaldi af Covid bólusetningum.
Arnþrúður vekur athygli á að í dag sé ekkert rætt um hversu margir séu að deyja úr Covid sem hafi ekki verið bólusettir, skyndilega sé sú umræða algerlega horfin, það sé vegna þess að þeir sem séu fyrst og fremst að deyja séu einstaklingar sem hafi verið bólusettir.
