Fyrirskipar Trudeau að beita alríkisvaldi til að binda tafarlausan endi á Frelsislest flutningabílstjóranna
Hvíta húsið skipar yfirvöldum Kanada að binda tafarlaust endi á Frelsislest flutningabílstjóranna, þar sem hún stöðvar meðal annars umferð á Sendiherrabrúnni sem bindur saman Windsor, Ontario við Detroit. Ásakar Hvíta húsið flutningabílstjórana um að kosta Bandaríkin 1 milljarð dollara á hverjum degi í glötuðum þjóðartekjum á meðan á baráttu þeirra stendur. Hvíta húsið segir, að yfirvöld Kanada eigi að beita alríkisafli sínu til að stöðva frelsisbaráttu vörubílstjóranna, hvað svo sem það kosti.
Justin Trudeau sagði á fimmtudaginn að vilji sé fyrir hendi að „bregðast við með öllum tiltækum ráðum“ til að binda endi á frelsisbaráttu bílstjóranna. Biden þakkaði honum persónulega fyrir með símtali að sögn Hvíta hússins og eru þeir kumpánarnir í daglegu símasambandi um hvernig megi kæfa frelsisþrá landsmanna sinna. Á föstudaginn kom dómstóll í Ontario með úrskurð, sem skipar flutningabílstjórum að fara burtu með bíla sína á Sendiherrabrúnni frá klukkan 7.00 á laugardagsmorgni.
Flutningabílstjórar á brúnni greiddu atkvæði um að halda kyrru fyrir
Banna enn á ný fjársöfnun almennings fyrir vörubílstjórana
Doug Ford forsætisráðherra Ontario hefur lýst yfir neyðarástandi vegna Frelsislestarinnar, sem veitir honum og ríkisstjórn Kanada greiðari hendur að beita t.d. hernum til að ráðast á friðsama mótmælendur í Kanada. Hótað er með 100 þúsund kanadískum dollara sekt (mótsvarar 9,8 milljónum ísl. kr.) og eins árs fangelsi hverjum þeim sem brýtur gegn fyrirmælum yfirvalda. Einnig hóta yfirvöld að svipta bílstjórum öllum opinberum leyfum til reksturs og aksturs sem ekki hlýða skipunum að ofan.
Áður höfðu stjórnvöld fengu dómstólsúrskurð til að stöðva fjáröflun til styrktar vörubílstjórunum á nýrri söfnunarsíðu GiveSendGo, sem er síða kristilegra samtaka og höfðu sömu stjórnvöld áður stöðvað fjársöfnun á síðu GoFundMe fyrir bílstjórana. Forráðamenn GiveSendGo söfnunarinnar segja, að engu máli skipti hvað komi frá kanadískum dómstólum í söfnunarmálum síðunnar, þar sem söfnunin sé ekki í lögsögu Kanada. Hafa á skömmum tíma safnast verulegar upphæðir til vörubílstjóranna, sem hjálpar til við að sjá þeim fyrir mat og öðrum birgðum á meðan á baráttunni stendur.
Neyðarlög í Ontario – Bílstjórar fá frest til klukkan 7.00 laugardagsmorgun til að rýma Sendiherrabrúna
Taggaður af stríðshrópum Joe Bidens hefur Justin Trudeau forsætisráðherra Kanada núna gefið vörubílstjórunum tíma fram á laugardagasmorgun að rýma Sendiherrabrúna að öðrum kosti munu yfirvöld beita afli til að rýma brúna og hleypa umferðinni á aftur. Verður fróðlegt að fylgjast með þeim gjörningi. Síðan hótaði Trudeau öllum þeim, sem styðja frelsisbaráttu flutningabílstjórana með einhverjum hætti alvarlegum afleiðingum af slíkum stuðningi. Yfirvöld hafa reynt að skera aðföng til flutningabílstjóranna við þinghúsið í Ottawa en komust þá að því, að tugir/hundruðir barna ásamt fjölskyldum bílstjóranna voru með þeim, þannig að stela gasi og eldsneyti af bílunum getur haft alvarlegar afleiðingar m.a. vegna kuldans.
Frelsislestin skapar miklar stjórnmáladeilur langt út fyrir landamæri Kanada
Repúblikaninn Whip Scalise fulltrúi minnihlutans á Bandaríkjaþingi gagnrýndi harðlega hina „fáránlegu og svívirðilegu“ skipun Biden til yfirvalda í Kanada um að binda endi á frelsislest Kanada með beitingu alríkisvalds. Fékk forseti Bandaríkjanna það óþvegið, að hann „aðstoðaði við að láta óeirðaseggi lausa úr fangelsum í Bandaríkjunum en réðist á friðsöm mótmæli hart vinnandi fólks gegn þvingandi bólusetningarkvöðum í öðrum löndum.“
Bæði Donald Trump og öldungardeildarþingmaðurinn Rand Paul, sem hefur eldað grátt við Anthony Fauci, hafa lýst yfir stuðningi við frelsislestina. Paul segist hlakka til að bandarísk frelsislest flutningabílstjóra komi til Washington því það gæti mögulega haft áhrif til þess að demókratískir ráðherra létti covid þvingunum.
Ted Cruz öldungardeildarþingmaður repúblikana tísti: „Guð blessi flutningabílstjórana í Kanada. Þeir eru að verja Kanada, Bandaríkin og þeir berjast fyrir frelsi! Ríkisstjórnin hefur engan rétt á því að þvinga ykkur að fylgja handahófskenndum þvingunum þeirra.“
Sjá nánar hér, hér, hér og hér
