Cary Poarch fyrrum starfsmaður CNN sagði í viðtali við Fox í haust að draumastarfið hans hjá CNN hefði breytst í martröð þegar hann uppgötvaði falsanir í fréttavinnslu sjónvarpsstöðvarinnar. Lýsti hann hvernig starfsmenn CNN klipptu meðvitað til myndbönd af Donald Trump Bandaríkjaforseta svo það liti út fyrir að hann meinti eitthvað annað en það sem hann sagði.
Sjónvarpsstöðin CNN á í miklum vandræðum eftir uppljóstrunina um starfsaðferðir stöðvarinnar en Cary Poarch myndaði í leyni fréttafölsun sem þar fór fram. Sést á myndböndum þegar Jeff Zucker yfirmaður CNN segir starfsmönnum að leggja áherslu á ásakanir á hendur Trump – jafnvel á kostnað annarra mikilvægra frétta.
Sem dæmi nefnir Poarch lætin í Charlottesville 2017, þegar ýmis samtök íhalds- og hægrimanna mótmæltu ákvörðun um að fjarlægja styttu af Suðurríkjahershöfðingjanum Robert E. Lee. Öfgahægrihreyfing nasista var einnig á staðnum og fordæmdi Bandaríkjaforseti Trump nasistana á afdráttarlausan hátt. CNN klippti hins vegar ummæli forsetans burtu, þannig að skilja mátti þegar hann var að tala á jákvæðan hátt um önnur samtök, að hann væri líka að tala jákvætt um nasistana.
Donald Trump Bandaríkjaforseta hefur lengi verið í nöp við starfshætti CNN sem hann hefur kallað Fake media eða falsréttamiðil. Uppljóstranirnar sýna að afstaða Bandaríkjaforseta hefur verið grunni reist.
