Tamara Lich (á innfelldu myndinni að ofan) var ein af öllum þeim sem skipulögðu Frelsislest kanadískra vörubílsstjóra sem hófu mótmæli gegn ríkisstjórn Kanada, þegar þvinga átti bílstjóra að nota bólupassa til sönnunar um að þeir væru bólusettir gegn covid.
Veiran hefur einungis 0,1% dánartíðni hjá fólki yngri en 70 ára
Tamara Lich, einn af skipuleggjendum Frelsislestarinnar í Kanada í upphafi árs, brast í grát þegar hún bar vitni fyrir nefndinni sem rannsakar hvernig kanadísk stjórnvöld beittu neyðarlögum til að stöðva friðsamleg mótmæli. Tamara Lich tók þátt í Frelsislestinni, vegna allra þeirra hræðilegu afleiðinga sem bólusetningarþvingunin hafði í för með sér. Fólk framdi sjálfsmorð, lokaðist inni á heimilum sínum og á hjúkrunarheimilum. Fólk „glataði öllu“ vegna covid-aðgerða stjórnvalda.
Tamara Lich varð heimsþekkt þegar hún í ársbyrjun var með og leiddi friðsamleg mótmæli í Ottawa í Kanada gegn þvingandi bólupassa og lokunaraðgerðum ríkisstjórnar Justin Trudeau vegna kórónaveirunnar. Gripið varð til harkalegra aðgerða í nafni neyðarlaga í nafni veiru með 0,1 % dánartíðni fólks undir 70 ára aldri.
Fyrir það var hún handtekin og átti á hættu langan fangelsisdóm fyrir að skapa „óreiðu.“ Einnig var bankareikningur hennar og flestra annarra mótmælenda „frystur.“ Hún var sögð hafa brotið lög með því að hvetja mótmælendur til að „halda strikinu.“
Í eina skiptið sem sérstökum neyðarlögum var beitt í Kanada
Trudeau forsætisráðherra Kanada virkjaði „neyðarlög“ til að kæfa mótmælin. Lögin veita stjórnvöldum rétt til að beita ofbeldi með sérstakri valdheimild. Þetta var í eina skiptið sem lögin hafa verið notuð en þau voru sett árið 1988. Rannsókn fer núna fram á því, hvernig stjórnvöld beittu lögum. Tamara Lich bar vitni fyrir rannsóknarnefndinni í vikunni og svaraði þá m.a. spurningunni, hvers vegna skyldubólusetningin bitnaði svona illa á henni:
„Vegna þess að ég sá fjölskyldur sundrast. Sjálfsvígin í heimabæ mínum voru svo mörg, að hætt var að segja fréttir af þeim. Eldra fólk lést út af fyrir sig á heilsustofnunum og varð að kveðja ættingjana á iPad. Amma mín er 94 ára og var lokuð inni í litlu íbúðinni sinni í tvö ár. Og núna þegar hún getur farið út og gert hlutina aftur er hún ekki nægjanlega heilbrigð. Hún glataði tveimur árum af lífi sínu.“
„Faðir minn er mjög félagslyndur maður. Ég man að hann sagði mér einn daginn, að hann hefði farið á veitingastaðinn í bænum, sem hann var vanur að fara á daglega og hann var beðinn um að fara. Þetta er lítill bær þar sem allir þekkja alla. Ég vildi ekki að börnin mín og barnabörnin lifðu í slíkum heimi.“
Táraðist mörgum sinnum í yfirheyrslunni
„Ég sá svo margt gerast í Kanada á hverjum degi. Ég heyrði sögur af að minnsta kosti þremur mönnum sem ætluðu að fremja sjálfsmorð áður en við byrjuðum með bílalestina. Og sögur um fólk, þar sem við höfðum ekki tíma til að bregðast við. Ég heyrði frá fjölskyldum sem bjuggu í farartækjum sínum vegna þess að þær höfðu misst vinnuna. Ég heyrði af fólki sem hafði misst vinnuna — misst aleiguna.“
„Ég er með tár þúsunda Kanadamanna á öxlinni. Á hverjum degi sögðu þeir mér, að við gæfum þeim von. Ég sá litlar eldri dömur biðjast fyrir á hnjánum við vegkantinn. Ég sá lítil börn halda uppi skiltum sem sögðu: „Þakka ykkur fyrir að gefa mér framtíðina til baka.“
Þorir ekki að láta dóttir sína búa hjá sér
Síðar í yfirheyrslunni sagði hún frá handtökunni og hvaða áhrif aðgerðir ríkisins gegn henni höfðu á líf hennar (sjá myndbönd hér að neðan).
„Ég missti vinnuna. Ég missti málfrelsið. Ég missti frelsið að hafa samskipti við vini mína, sem var frekar átakanlegt því við vorum nýbúin að upplifa mikla atburði. Við fengum ekki tíma til að tala um það. Ég verð að vera mjög varkár í hverju skrefi sem ég tek. Eins og þið vitið, þá var ég handtekin fyrir meint brot vegna þess að ég var viðstödd kvöldverð í Toronto. Lögreglan bankaði upp á í síðustu viku, vegna þess að einhver hafði séð mig reykja sígarettu utan dyra.“
„Ég á dóttur og ég vil ekki að hún sé hjá mér, því ég er svo áhyggjufull“ sagði Tamara Lich, og tárin komu aftur fram.
Margra tíma myndband af yfirheyrslunum má sjá með því að smella hér.
