Útvarp Saga hefur í mörgum þáttum og greinum fjallað um þöggun FBI og bandaríska dómsmálaráðuneytisins m.a. á innihaldi fartölvu Hunter Biden sem fengið hefur viðurnefnið „fartölva helvítis.“ Var skálduð sú saga að rússneska leyniþjónustan hefði sett lygaþvælu á fartölvuna til að koma höggi á Joe Biden, sem bauð sig fram til forseta. Almennir fjölmiðlar neituðu að segja frá glæpsamlegri framkomu Hunter Biden, Joe Biden og Biden glæpafjölskyldunnar til að vernda Joe Biden fyrir kosningarnar 2020.
Alls slags miður smekklegar kynlífsmyndir láku út frá fartölvu helvítis sem sýndu kynsvall og eiturlyfjalíf Hunter Biden. Nú eru fleiri vísbendingar um, að það hafi ekki bara verið Hunter Biden sem tengdist rússneskum vændiskonunum. Að sögn Marjorie Taylor Greene, fulltrúardeildarþingkonu Bandaríkjaþings, þá hefur eftirlitsnefnd þingsins sem hún situr í, sannanir fyrir því að öll Biden glæpafjölskyldan hafi tekið þátt í mansali sem tengist vændiskonum frá Rússlandi, Úkraínu og Bandaríkjunum.
Skeljafyrirtæki tóku á móti erlendum greiðslum sem fóru inn á reikninga Biden fjölskyldunnar
Marjorie Taylor Greene greindi frá þessu 18. apríl s.l.
„Við erum nýbúin að fara yfir fjárhagsskýrslur ríkissjóðs. Ég sá yfir 2000 blaðsíður af undarlegum upplýsingum í grundvallaratriðum varðandi fyrirtæki kringum Joe Biden sem ná ekki aðeins til margra fjölskyldumeðlima – mun fleiri en við héldum, heldur einnig til annarra. Bara algjör steypa af lygum. Þetta voru skeljafyrirtæki og peningar frá útlöndum streymdu gegnum þau. Frá Kína og Úkraínu og mun fleiri löndum.“
Bandaríska þjóðin á skilið að fá að vita um glæpi Biden fjölskyldunnar
„Þetta er mikið magn upplýsinga, sem bandaríska þjóðin á skilið að þekkja til um Biden fjölskylduna og glæpina sem hún hefur tekið þátt í. Eftirlitsnefndin hefur miklu stærri rannsókn undir höndum en við héldum nokkru sinni að væri mögulegt. Ég sá sannanir um mansal sem tengist ekki aðeins vændiskonum héðan í Bandaríkjunum, heldur erlendum ríkjum eins og Rússlandi og Úkraínu. Það er ótrúlegt að málið varðar ekki aðeins Hunter Biden, heldur einnig faðir hans, forsetann og fyrrverandi varaforseta ásamt mörgum öðrum fjölskyldumeðlimum.“
Við munum afhjúpa málið fyrir bandarísku þjóðinni
„Við verðum virkilega að vinna í þessu máli. Þetta er rannsókn sem þarf að opinbera bandarísku þjóðinni. Við höfum ekki aðeins spurningar um Hunter Biden sjálfan, heldur teygir málið sig inn í þróaðan spillingarvef, vef falsfyrirtækja sem tóku á móti peningagreiðslum frá mörgum erlendum löndum sem fóru beint inn á persónulega bankareikninga Biden fjölskyldunnar sem hefur haft beinan fjárhagslegan ávinning af valdastöðu Joe Biden. Við hlökkum til að rannsaka þetta mál nánar og afhjúpa fyrir bandarísku þjóðinni og munum sjá til, hvaða stefnu málið fær eftir það.“
Uppfært með nýlegu myndbandi:
