Það þarf að fara út fyrir Norðurlönd, út fyrir Evrópu, út fyrir allan hinn vestræna heim og alla leið til Mexíkó til að finna land sem er ekki í stríði þar sem meira er skotið og sprengt en í Svíþjóð. „Svíþjóð sker sig algjörlega úr“ segir afbrotafræðingurinn Ardavan Khoshnood.
Á hinum blóðuga miðvikudegi í vikunni sem leið, var saklaus kona sprengd til bana, tveir menn drepnir með skotvopnum og einn særður. Varla er rætt um annað í landinu en hið gegndarlausa ofbeldi. Árið í ár lítur út fyrir að slá ný met.
2023 nýtt metár
Lögreglustjórinn Jalle Poljarevius líkir ástandinu við „borgarastyrjöld í fæðingu“ og Anders Thornberg, ríkislögreglustjóri, segir ofbeldið „líkjast hryðjuverkum.“ Afbrotafræðingurinn Ardavan Khoshnood bendir á að „Svíþjóð skeri sig algjörlega úr“ í skotárásum og sprengingum. Að Mexíkó undanskildu eru það aðeins lönd sem hrjást af styrjöldum þar sem skotárásir og sprengingar eru fleiri en í fallega landinu með rauðu sumarhúsin. Árið 2023 lítur út fyrir að verða nýtt metár í fjölda skotárása og sprengjuárása glæpahópanna, þrátt fyrir loforð stjórnmálamanna um að „brjóta klíkurnar á bak aftur“ og „kúvendingu“ í ofbeldismálum. Innanlandsmetin eru svo há að þau verða einnig alþjóðleg met. „Svíþjóð sker sig algjörlega úr“ útskýrir Khoshnood.
Einsdæmi á Norðurlöndum, í Evrópu og hinum vestræna heimi
Enn eru þrír mánuðir eftir af árinu en fjöldi sprenginga er nú þegar kominn upp í sama fjölda og metárið 2019: 133 sprengingar. Svíþjóð sker sig úr á Norðurlöndum, Evrópu og öllum hinum vestræna heimi. Fara þarf alla leiðina til Mexíkó til að finna land sem ekki er í stríði sem slær Svíþjóð.
„Þegar samstarfsmenn mínir í Stokkhólmi skoðuðu þetta, þá sáu þeir að Mexíkó er eina landið í heiminum sem er ekki í stríði sem er með fleiri sprengingar en Svíþjóð. Slíkar sprengingar eru ekki einu sinni vandamál í Bandaríkjunum.“
Fleiri og stærri sprengjur
Allt fram á 2010 voru sprengjuárásir tiltölulega óþekkt fyrirbæri í Svíþjóð. Að meðaltali var ekki einu sinni sprengt einu sinni á ári. Núna springa sprengjur 2-4 sinnum í viku að meðaltali. Sprengingar hafa orðið fleiri og þær hafa orðið öflugri. Khoshnood segir að þróunin hafi farið frá því að kasta handsprengjum, sem er nógu alvarlegt, í sprengingar í stíl hryðjuverkamanna með sprengiefni og þess háttar. Í árásinni á miðvikudaginn, sem kostaði saklausa 25 ára konu lífið, var heilt hús sprengt í sundur og nokkur hús til viðbótar skemmdust mikið. Myndir frá atburðum minna okkur á það sem við sjáum frá Úkraínustríðinu.
