Milljarðamæringurinn Elon Musk er sammála Viktor Orbán um að svokallaður innflytjendasamningur ESB sé mikill misbrestur. Sænski kratinn Ylva Johansson, innflytjendamálakommissjóner ESB keyrði samninginn í gegn hjá ráðherraráði ESB.
Ylva Johansson, innflytjendamálastjóri ESB ásamt landa sínum Maria Malmer Stenergard, ráðherra innflytjendamála í Svíþjóð, leiddu umræðurnar um hinn umdeilda innflytjendasamning Evrópusambandsins.
Svíar leiðandi í ónýtum innflytjendasáttmála ESB
Þær stöllurnar voru ekki einu Svíarnir sem unnu að samþykkt innflytjendasamnings ESB. Áður hafði sænski stjórnmálamaðurinn Tomas Tobé unnið hörðum höndum að því að koma sáttmálanum í gegnum ESB-þingið. Samningurinn sem felur í sér að hælisleitendum verði skipt samkvæmt þvingandi kvóta á milli aðildarríkja ESB var samþykktur í ráðherraráði ESB í júní s.l. Þau lönd sem neita að taka við innflytjendum samkvæmt kvótanum, þurfa að greiða peninga til ESB í staðinn.
Þar sem Ítalía er yfirfull af ólöglegum afrískum innflytjendum, er talið að fyrirkomulag sáttmálans um „þvingandi samstöðu“ verði virkjað. Þá munu önnur ESB-ríki neyðast til að taka sinn hluta af þessum Afríkubúum.
Líkir ásókn Afríkubúa til Evrópu við innrásarher
Viktor Orbán, forsætisráðherra Ungverjalands, segir í ræðu að þegar sé ljóst, að sáttmálinn sé misheppnaður. Hann líkir Afríkumönnum á ítölsku eyjunni Lampedusa við „sannkallaðan innrásarher.“ Hann nefnir einnig aukið ofbeldi innflytjenda frá þriðja heiminum: Nýlega var skotið á ungverska og serbneska landamæraverði með sjálfvirkum vopnum.
Orbán birti ræðuna á X-inu þar sem Elon Musk, eigandi X, er sammála þeirri fullyrðingu að innflytjendasamningurinn hafi misheppnast. Musk skrifar: