Enginn skal halda að glóbalistarnir, sem nota loftslagsblekkinguna um endalok jarðar til að eyðileggja heilbrigðan landbúnað á Vesturlöndum, séu af baki dottnir. Núna er röðin komin að Belgíu en ríkisstjórnin þar vill draga úr notkun köfnunarefnis í áburði til að minnka kolefnisspor landbúnaðarins. Ekki er langt síðan að Útvarp Saga greindi frá afleiðingum sömu stefnu á Sri Lanka sem gjörsamlega eyðilagði efnahag landsins og leiddi til uppreisnar almennings og forsetinn flúði. Þrátt fyrir þá reynslu halda glóbalistarnir áfram að þjarma að virkri matmælaframleiðslu á Vesturlöndum. Glóbalistarnir velja stríð við mannkyn í tilraun sinni að taka völdin á öllum sviðum mannlegs lífs.
Bændur í Flæmingjalandi hafa risið upp í mótmælaaðgerðum gegn ríkisstjórninni. Ríkisstjórnin hefur áður lýst því yfir að hún hyggist draga úr losun köfnunarefnis frá áburði og búfé sem bitnar hart á möguleikum bænda að stunda landbúnað og framleiða mat. „Lífræn“ stefna yfirvalda leiðir til dauða landbúnaðarins. Glóbalistar hafa breytt kjötframleiðslu í loftslagsgrýlu, vilja afnema landbúnaðinn og kasta mannkyni út í hungursneyð og tortímingu. Ekki furða, þótt venjulegir bændur vilji slást fyrir lífi starfsgreinarinnar.
Veginum til Brussel sem liggur um Flæmingjaland var lokað á föstudag vegna mikilla bændamótmæla.
Engin framtíð án bænda!
Bændurnir mótmæla undir slagorðinu „Engin framtíð án bænda!“ og eru sagðir hafa notað dráttarvélar sínar til að loka vegum. Köfnunarefnisáburður er stór hluti af nútíma landbúnaði. Hins vegar telja stjórnmálamennirnir að það losi gróðurhúsalofttegundir, sem stuðla að hlýnun jarðar. Því á að þvinga bændur að grípa til aðgerða til að „draga úr losun.“ Mikil andstaða er við tillögunum frá forsvarsmönnum landbúnaðarins. Talið er að það verði afar kostnaðarsamt að gera þessar breytingar og að margir bændur neyðist til að hætta búskap, segir í frétt France24.
