Eftirfarandi pistill birtist á bloggi Kristínar Ingu Þormar.
Lyfjastofnun var að enda við að gefa út samantekt yfir tilkynntar aukaverkanir vegna þessara „bóluefna“ árið 2021, og það verður að segjast eins og er að þetta er alveg kostuleg lesning.
Framan af ári voru tilkynningar rúmlega 200 að meðaltali á mánuði, fjölgaði síðan til muna eftir að bólusetningarátak hófst fyrir alvöru á vordögum, en fór fækkandi með haustinu. Að meðaltali bárust 335 tilkynningar á mánuði árið 2021.
Miðað við þetta þá ættu tilkynntar aukaverkanir að vera ca. 4.020, en samkvæmt síðustu tilkynningu ársins 2021 þann 30. desember voru þær 5.917.
Þarna munar 1.897 tilkynningum, eða tæplega þeim fjölda sem landlæknir geymdi í skúffunni hjá sér í einhverja mánuði.
Tilkynningar í desember – sundurliðun eftir bóluefnum
Í desember bárust 210 tilkynningar vegna gruns um aukaverkun. Af þeim tengdust 187 bóluefnum gegn COVID-19;
117 vegna Comirnaty frá BioNTech/Pfizer, 47 vegna Spikevax frá Moderna, 12 vegna bóluefnis Janssen, og 11 vegna Vaxzevria frá AstraZeneca. Tuttugu og þrjár tilkynninganna tengdust öðrum lyfjum.
Eins og þið sjáið hér fyrir neðan, þá er ekkert að marka þessar tölur þótt síðasta dag ársins vanti þar inn í.
Það má líka telja undarlegt að aukaverkunum geti „fækkað“ um heilar 25 hjá Janssen, meira að segja þrátt fyrir að tilkynnt hafi verið um 12 aukaverkanir vegna þess.
Fjöldi tilkynninga í desember eftir alvarleika
Tilkynningar vegna gruns um alvarlega aukaverkun voru 27. Fimmtán þeirra tengdust bóluefnum gegn Covid-19; 10 vegna Comirnaty frá BioNTech/Pfizer, 3 vegna Vaxzevria frá AstraZeneca, 2 vegna Spikevax frá Moderna, 0 vegna bóluefnis Janssen. Tólf tengdust öðrum lyfjum.
Þarna vantar 3 tilkynningar um alvarlegar aukaverkanir miðað við það sem sjá má á myndinni fyrir ofan, fyrir utan að niðurbrot þeirra niður á efnin stemma ekki nema hjá Moderna eins og sjá má af rauðu tölunum.
Samkvæmt þessu súluriti var tilkynnt um samtals 3.689 aukaverkanir vegna bóluefna árið 2021 sem ekki teljast alvarlegar, plús 327 alvarlegar.
Miðað við tölurnar 30. desember virðist líklega þarna vanta á að minnsta kosti á þriðja þúsund aukaverkanir eftir Covid bóluefnin, því hafa ber í huga að inni í þessu súluriti eru líka tilkynningar vegna annarra bóluefna.
Það gerir þessar tölur bara ennþá ótrúverðugri.
Það vakti athygli mína að ekki er minnst einu orði á að manneskjur létust í kjölfar þessara „bólusetninga“, heldur er það falið inni í tölunum um alvarlegar aukaverkanir.
Þrefalt fleiri dóu eftir sprauturnar en „úr“ Covid 2021!
Í síðustu viku fjallaði ég um misræmi hjá Lyfjastofnun í uppgefnum fjölda andláta eftir þessar sprautur.
Hér er óhugnanleg staðreynd sem lesa má út úr opinberum gögnum:
- Árið 2021 létust 11 „úr“ Covid.
- Árið 2021 létust 34 í kjölfar sprautanna.
Þar lýsti ég áliti mínu á þessari stofnun, sem kennir sig við „gæði, traust og þjónustu“ eins og sjá má á heimasíðunni, og það álit mitt hefur styrkst núna til muna.
