Meðferð yfirvalda vegna covid faraldursins hafði ekkert að gera með lýðheilsu heldur snerist um tilraun valdaelítunnar til að reyna að brjóta niður og ná tökum á fólkinu. Þetta fullyrti Christine Anderson lengst t.h., ESB-þingmaður, á ráðstefnu á Evrópuþinginu í Strassborg nýlega (sjá myndband neðar á síðunni), þar sem franski smitsjúkdómaprófessorinn Christian Perronne í miðju á mynd var í aðalhlutverki.
Að sögn þýska ESB-þingmannsins Christine Anderson var notuð stór lygi til að loka niður samfélögum og fá fólk til að „bólusetja“ sig meðan covid gekk yfir. Svokallað covid bóluefni átti að stöðva útbreiðslu smits, var sagt. En það var ekki rétt. Christine Anderson segir:
„Það hefur verið logið að fólki. Þetta var risastór lygi. Og út frá þessari lygi, sérstaklega í vestrænum lýðræðisríkjum, voru réttindi fólks skert, frelsið tekið af þeim, fólk var lokað inni á heimilum og sett í útgöngubann. Allt byggðist þetta á þessari risastóru lygi. Núna verður fólkið að fá að vita nákvæmlega, hvað gerðist og hverjir bera ábyrgðina.“
Ursula von der Leyen forseti framkvæmdastjórnar ESB sætir rannsókn um bóluefnakaupin
„Við í Covid nefndinni munum komast til botns í þessu. Við munum finna svörin sem fólkið á skilið. Við erum að vinna í því og munum halda áfram að vinna í því.“
„En ekkert af þessu hefði verið mögulegt, ef við hefðum ekki notið gífurlegs stuðnings fólksins. Þið fóruð út á göturnar og sýnduð ríkisstjórnum ykkar, að þið munið ekki sætta ykkur við þetta. Fyrir það þakka ég og fagna, hér og nú, sagði hún, stóð upp og klappaði.“
„Við hefðum ekki getað gert þetta án ykkar. Ursula von der Leyen er undir miklum þrýstingi núna. Og það með réttu. Fólkið á rétt á að vita, hvað stendur í þessum samningum. Fólk þarf að fá að vita, hver getur borið ábyrgð á því sem hefur gerst á bak við tjöldin.“
Frásögnin af kórónufaraldrinum er að breytast
„Hlutirnir eru að breytast. Spilahúsið þeirra er að hrynja með réttu. Ég er þreytt á að vera kölluð covid bjáni. En frekar að vera það en að vera kölluð ríkisstjórnarfábjáni. Því það reyndust þeir vera, sem trúðu í blindni á ríkisstjórnina. Og ég segi það enn og aftur: Þetta snerist aldrei – aldrei – um lýðheilsu. Þetta snerist alltaf um að brjóta niður fólkið. En þá komum við líka að góðu fréttinni. Þeim mistókst! Það virkaði ekki!“
Sjá má alla ráðstefnuna á myndbandinu hér að neðan:
