The Great Reset eða The Great Transition sem hnattræningjar eru nú farnir að tala um í staðinn, er algjör umbylting samfélagsins. Markmið þeirra er að endurskapa heiminn og stjórna jarðarbúum á stafrænan hátt. Það varðar allt frá mat og vatni til bóluefna og internetsins. Umfangið er „mjög breitt og djúpt“ segir sænski athafnamaðurinn Hans Erixon í nýjum áhugaverðum þætti Swebbtv um Fjórða Ríkisvaldið. Alþjóðaefnahagsráðið „World Economic Forum WEF“ er háþróuð tilraun, sem reynir í smáatriðum, að hrinda í framkvæmd eins konar heimsbyltingu. Að sögn Erixon hefur bylting hnattræningjanna áhrif á „nánast allt“ í samfélaginu. Og þeir hafa bundist öflugustu fyrirtækjum heims, alþjóðastofnunum og stjórnmálamönnum. „Þeir vilja nýja heimsskipan“ segir Hans Erixon í Swebbtv.
Hvað er Endurræsingin Mikla „The Great Reset“ sem Útvarp Saga hefur fjallað mikið um og skrifað margar greinar um? Það er tilraun til að umbylta öllu samfélaginu og hvernig það virkar. Í raun er nafnið Umskiptin miklu „The Great Transition“ nákvæmara hugtak. Vegna þess að málið snýst ekki um að endurreisa heiminn, heldur að skipta yfir í nýtt samfélag. Og þannig hefur líka World Economic Forum breytti tungumálinu.
Hugmyndin um Endurræsinguna miklu tengist bók stofnanda WEF, Klaus Schwab „Covid-19: The Great Reset“ frá 2020, þar sem hann mælir fyrir því, að svokallaður heimsfaraldur skuli notaður til að framkvæma hina mikla endurstillingu.
Byltingin er ekkert leyndarmál og ætlað að gegnumsýra allt samfélagið
En kannski gekk þetta ekki eins vel og þeir hefðu kosið. „Bóluefnið“ sem átti til dæmis að leiða til stafrænna vegabréfa var svo slæmt, að það stöðvaði ekki útbreiðslu smits. Það féll því fljótlega á eigin bragði jafnvel þótt sjálft forritið sé orðið að veruleika, sem komið var með undir covid. Samtímis ætlar WHO að taka upp alþjóðlegan bólusetningarpassa. Samkvæmt Erixon mun alþjóðlegt bólusetningarvegabréf WHO innihalda alls kyns bólusetningar, ekki bara covid. Hans Erixon segir í Swebbtv:
„Þeir vilja nýja heimsskipan sem er búin að losna við covid-19. Þess vegna talar fólk meira og meira um Hin miklu umskipti. Ár 2022 talaði hann (Klaus Schwab) eingöngu um Hin miklu umskipti. Það eru einfaldlega umskipti yfir í eitthvað nýtt.“
Hvað Endurræsingin mikla er eða Umskiptin miklu eru, er vandlega lýst á vefsíðu World Economic Forum. Breytingin er ekkert leyndarmál og hún mun gegnsýra allt samfélagið.
„Þar er því lýst, hvernig umskiptin yfir í nýja kerfið munu líta út. Það varðar alla hluti allt frá því, hvernig við förum með matinn okkar, vatn, heilsu, bólusetningu, öryggi, lýðræðisleg réttindi. Allt. Nýjar reglur fyrir internetið, flutningskeðjur, bara allt! Umfangið er mjög breitt og mjög djúpt.“
Stafræna stjórnunin er aðalatriðið
Bylting samfélagsins krefst framar öllu stjórnunartækis: Hið stafræna eftirlit. Og þetta eru ekki bara hugmyndir. Þetta eru verkefni sem eru skissuð upp og framkvæmd:
„Þeir vilja meðal annars stjórna okkur í gegnum farsímana okkar. Stafræna sviðið er vettvangur fyrir alla hluti sem þeir vilja breyta. Þannig að fyrst verður að byggja út stafræna sviðið svo hægt sé að byggja áfram á öðrum sviðum.“
„Þetta aðgreinir World Economic Forum frá öðrum alþjóðlegum hugveitum eins og til dæmis Þríhliða hópnum. World Economic Forum fer alveg niður í smáatriði, til dæmis hvernig stafræna veskið og sjálfsmyndin eiga að virka. Þeir reka mjög umfangsmikla starfsemi.
WEF líkt við fasisma vegna samstarfs ríkis og stórfyrirtækja
Til þess að koma hugmyndum sínum í framkvæmd hafa þeir einnig tengst öflugustu fyrirtækjum í heimi – og stjórnmálamönnum. Áætlun World Economic Forum er að virka sem brú milli fyrirtækja og ríkja. Þjóðfélagsbyltinguna verður framkvæmd í samstarfi einkageirans og hins opinbera, svo og stjórnmálanna. Þetta er miðlægt og þess vegna líkja gagnrýnendur WEF við „fasisma“ því fasisminn er einmitt samstarf ríkis og fyrirtækja. Hans Erixon heldur áfram:
„Þetta er það sem öll hugmynd World Economic Forum byggir á. Við sjáum fyrirtæki eins og Ikea, Vattenfall, Volvo, ABB. Við sjáum mörg sænsk fyrirtæki. Við sjáum líka allra stærstu fyrirtæki heims eins og Vanguard, BlackRock og State Street. Þau stjórna 95 % alls eignarhalds fyrirtækja í hinum vestræna heimi. BlackRock er ótrúlega öflugt.“
„Fjölhagsmunaaðilar“ vinna m.a. að orkuskiptum í heiminum
Forstjóri BlackRock, Larry Fink, er „mjög virkur“ á World Economic Forum og situr meðal annars í stjórn WEF. Áhrif World Economic Forum meðal valdamikilla manna í heiminum koma til dæmis fram í því hvernig orðaval þeirra dreifist innan viðskiptalífs og stjórnmála.
„Tungumál World Economic Forum hefur búið um sig í fyrirtækjakynningum, hugmyndalýsingum. Alls staðar hefur þetta tungumál breiðst út. Sem dæmi má nefna orðið „hagsmunaaðili“ sem hefur á skömmum tíma fest sig í sessi. Þetta er dæmigert fyrir að fara á fundina í Davos til að sjúga í sig áhrifin frá WEF.“
Með hugtakinu „fjölhagsmunaaðilar“ á World Economic Forum einmitt við, að stjórnvöld, fyrirtæki og hið borgaralega samfélag eigi að vinna saman á heimsvísu til að takast saman á við „stóru málin í heiminum.“ Eitt af þeim málum eru „orkuskiptin.“ Auk fyrirtækja þá notar World Economic Forum einnig Sameinuðu þjóðirnar, Alþjóða gjaldeyrissjóðinn og aðrar alþjóðastofnanir til að dreifa hugmyndum sínum.
Stöðugt unnið að breytingu á lögum einstakra ríkja til að aðlaga markmiðum Hinna miklu umskipta
World Economic Forum hefur náð þeim árangri að tengja saman stærstu fyrirtæki heims, alþjóðlegar stofnanir – og stjórnmálamenn. Sem hittast síðan í Davos á hverju ári. Allt hefur bræðst saman í einn og sama hópinn og stefnuna. Völd þeirra eru gríðarleg en tiltölulega fáir almennir borgarar vita, hvað er að gerast í raun og veru. Stefna sem innlendir ráðamenn fylgja gæti í raun átt uppruna sinn í hugmyndum World Economic Forum.
WEF neitar því að hafa heimsstjórn á dagskránni. Enn þannig lítur það að engu síður út. Hans Erixon segir:
„Það er ekkert lýðræðislegt ferli í þessu. Því er sífellt haldið í blekkingarhulunni, hvernig starfað er innan World Economic Forum. Í aðgerðaáætlun World Economic Forum er stöðugt unnið að því að breyta lögum og reglum í löndum, svo þetta verði löglegt og passi inn. Við sjáum nú þegar stjórnarskrárbreytingar sem hafa verið samþykktar í Svíþjóð sem eru algjörlega í takt við þessi mál.“
Hér að neðan má sjá umræðuþáttinn með Hans Erixon á sænsku:
