Robert F. Kennedy, Jr. gekk til liðs við spjallþáttastjórnandann Jimmy Dore nýlega til að ræða þátttöku Bandaríkjanna í lífvopnaáætlunum, fjármögnun Dr. Fauci á rannsóknum á viðbótarvirkni kórónuveirunnar og ótta við miltisbrand árið 2001.
Robert Kennedy ræddi m.a. um lífvopnaslys í Bandaríkjunum árið 2014 sem leiddi til alríkisbanns við rannsóknum á viðbótarvirkni veira í Bandaríkjunum. Robert Kennedy Jr. sagði:
„Þeir tóku peningana 2,2 milljarða dollar, sem Cheney lét þá hafa [frá Patriot Act] og þeir komu þeim í gegnum Lýðheilsuna og þetta fór allt í gegnum Anthony Fauci. Frá og með 2002 fékk Anthony Fauci 68% hækkun frá Pentagon til að þróa lífvopn og hann fékk milljarða dollara hækkun á ári, og svo byrjaði hann að vinna að öllum þessum rannsóknum um viðbótarvirkni veira.“
Var með 18 lífvopnarannsóknir í gangi í Bandaríkjunum ár 2014
„Árið 2014 bárust þrjár af slíkum veirum út frá mismunandi rannsóknarstofum í Bandaríkjunum. Bandaríkjaþing hélt yfirheyrslur um málin. Allir voru reiðir og 300 helstu vísindamenn sendu Obama bréf þar sem þeir sögðu, að hann yrði að stöðva Fauci vegna þess að Fauci væri að fara að búa til heimsfaraldur.“
Flutti starfsemina til Wuhan
„Obama fyrirskipaði greiðslustöðvun. Fauci var þá með 18 mismunandi tilraunir til að auka skaðlega virkni veira í gangi innan Bandaríkjanna. Fauci flutti þá starfssemina úr landi til Wuhan, þar sem hann gat framkvæmt þessar rannsóknir án innblöndunar þessara 300 vísindamanna og forvitinna embættismanna í Hvíta húsinu sem voru að reyna að loka starfsemi hans.“
Starfsmenn í USA fóru til Kína til að halda rannsóknunum áfram
„Fauci hélt áfram að vinna að rannsóknum á viðbótarvirkni veirunnar með sama fólki og hann greiddi fyrir störfin hér, Ralph Baric og Peter Dazak, og þeir fluttu starfsemi sína til Wuhan rannsóknarstofunnar.“
Útvarp Saga greindi áður frá smitsjúkdómasérfræðingnum Dr. Li-Meng Yan sem vann á rannsóknarstofunni WHO og birtti skýrslu með fullyrðingu um að Covid-19 sé „ótakmarkað lífvopn.“ Bandaríski miðillinn The Gateway Pundit greindi frá því, að kínverski læknirinn Shi Zhengli væri hluti af teymi sem vann að rannsóknarverkefni á viðbótarvirkni veira með bandarískum læknum árið 2014 áður en yfirvöld lokuðu starfseminni vegna vegna þess hversu áhættusöm hún væri. Eftir að bandaríska rannsóknarverkefninu lauk, fór Dr. Shi til Wuhan í Kína og hélt þar áfram rannsóknum sínum á viðbótarvirkni kórónuveirunnar.
Lífvopnarannsóknin í Wuhan var verkefni varnarmálaráðuneytis Bandaríkjanna
Eftir að hætt var við lífvopnarannsóknir í Bandaríkjunum héldu þannig Kínverjar áfram með verkefnið fyrir Bandaríkjamenn og ráku rannsóknir og þróun í veirufræðimiðstöðinni í Wuhan. Af gögnum og ferilskrá Shi Zhengli er ljóst að þein tókst að einangruðu kórónaveiruna með góðum árangri í rannsóknarstofunni og voru gerðu tilraunir um að auka smit veirunnar milli fólks og aukna virkni á skaðsemi veirunnar. Vert er að hafa í huga, að Bandaríkjamenn vissu þegar árið 2017 um leka veira í kínverskri rannsókna- og þróunarmiðstöð, sem leiddi til þess að SARS veiran komst út og drap fólk.
Spyrja má fyrst þessar rannsóknir voru bannaðar í Bandaríkjunum, hvort það hafi verið löglegt og viðeigandi fyrir Dr. Fauci og Smitsjúkdómavarnarstofnun Bandaríkjanna NIAID að nota fé bandarískra skattgreiðenda til að halda áfram að fjármagna þessar hættulegu lífvopnarannsóknir í Wuhan, Kína?
The Times of Israel greindi frá því, að bandarísk stjórnvöld hefðu flutt út rannsóknir á viðbótarvirkni – þ.e.a.s. að breyta eðlilegum veirum og gera að smitandi drápstæki – vegna vaxandi ótta um hugsanlegan heimsfaraldur af völdum slysa eða vísvitandi losun þessara erfðabreyttu skrímslaveira.
Var þetta að hluta til vegna rannsóknarstofuslysa í hjá Smitsjúkdómaeftirlitisstofnun Bandaríkjanna CDC í júlí 2014 sem vöktu spurningar um öryggi í bandarískum rannsóknarstofum. Í skýrslu CDC var því lýst, hvernig vísindamönnum mistókst að fylgja réttum verklagsreglum til að tryggja að sýni væru óvirkjuð áður en þau voru flutt út af rannsóknarstofunni og einnig fundust „mörg önnur vandamál“ við rannsóknir á miltisbrandi.
Bönnuðu alla fjármögnun ríkisins við lífvopnarannsóknir
Bandarísk stjórnvöld bönnuðu alla fjármögnun ríkisins til að breyta þremur veirum í lífvopn – inflúensu, öndunarfæraheilkenni í Mið-Austurlöndum (MERS) og alvarlegt bráða öndunarfæraheilkenni (SARS). Frammi fyrir greiðslustöðvun í Bandaríkjunum þá flutti Dr. Anthony Fauci – forstjóri „National Institute of Allergy and Infectious Disease“ NIAID, – GOF rannsókninni árið 2015 til Wuhan rannsóknarstofunnar í Kína og greiddi áfram skattfé bandarískra ríkisborgara til lífvopnarannsókna sem búið var að banna í Bandaríkjunum.
Wuhan rannsóknarstofan er nú í miðpunkti athugunar fyrir hugsanlega losun SARS-CoV-2 kórónaveirunnar sem olli heimsfaraldrinum Covid-19.
