Uppljóstrarinn Jack Maxey hefur lofað að láta birta „450 gígabæta eyddu efni“ úr hinni alræmdu „vítisfartölvu“ Hunter Bidens, sonar Joe Bidens forseta. Efnið hefur hingað til aldrei verið birt, þrátt fyrir að áður hafi verið sagt frá því til bæði í Washington Post og New York Times og einnig af öldungadeildarþingmanninum Chuck Grassley.
Jack Maxey gaf Daily Mail afrit af harðdisknum af fartölvu Hunter Biden vorið 2021. Síðan þá hafa tugir uppljóstrana um mikla fíkniefnaneyslu Hunters, umgengni hans við vændiskonur og vafasöm viðskipti komið fram.
Undanfarið hefur uppljóstrarinn Joe Maxey verið í felum í Zürich í Sviss, þar sem hann vann með tæknisérfræðingum við að grafa upp skrár sem Hunter eyddi af „vítisfartölvunni“. Maxey segir, að hann muni birta allt efnið sem fannst á næstu vikum. Það eru heil „450 gígabæt af eyddu efni“ þar á meðal 80.000 myndir og myndbönd og meira en 120.000 tölvubréf.
Rannsókn á skjölum á fartölvu Hunter
Hunter fór með fartölvuna sína í tölvubúð í Delaware árið 2019. Verslunareigandinn, John Mac Isaac, lét Rudy Giuliani sem þá var lögfræðingur Donald Trumps hafa afrit af harðdisknum og síðar Giuliani Joe Maxey fá afritið. Jack Maxey segir:
„Ég kom til Zürich til að gera tæknilega rannsókn á fartölvu Hunter Bidens á öruggan hátt, í landi sem enn virðir frelsi og frjálslyndar lýðræðisreglur. Ég held ekki að þetta hefði verið hægt í Bandaríkjunum“
Skjölin á fartölvunni innihalda fjölda tölvubréfa og skjala sem sýna viðskipti Hunter við úkraínska gasfyrirtækið Burisma, sem varð miðpunktur fyrstu réttarhaldanna yfir Trump í desember 2019. Þáverandi forseti var sakaður um að hafa þrýst á Volodymyr Zelensky, forseta Úkraínu, að hefja rannsókn á spillinguarmálum Joe Biden og Burisma.
FBI sveik Trump
Jack Maxey, sem í langan tíma rak hlaðvarpið Stríðsherbergið „The War Room“ með Steve Bannon fyrrum ráðgjafa Donald Trumps, segir að hann óttist hefndaraðgerðir frá Biden-stjórninni. Að hans sögn eru nægar sannanir um framda glæpi eins og fíkniefnasmygl, siðferðisafbrot og gróft fjármálasvindl.
Maxey heldur því fram að FBI hafi svikið sitjandi forseta Bandaríkjanna, Donald Trump, þegar hann var fyrir rétti. Hann segir við Zero Hedge:
„FBI var með innihald tölvunnar níunda desember 2019. Þeir voru með sýknunargögn í höndunum og gátu hætt málaferlunum strax en þeir gerðu ekkert.“
Skjölin hurfu af dulkóðuðum netþjónum
„Svo virðist sem starfsmaður FBI, sem fékk fartölvu Hunter Bidens upphaflega, hafi aldrei skráð hana sem sönnunargagn. FBI fékk tölvuna í sínar hendur þann 9. desember 2019 en vissi um tilvist hennar löngu fyrir þann tíma. Hvað þeir gerðu eftir það? Ég veit það ekki, ég hef ekki séð þá gera neitt“ segir Jack Maxey.
Í október 2020 hlóð Maxey upp hluta af efninu á ýmsa dulkóðaða netþjóna: tveir þeirra voru staðsettir í Bandaríkjunum, einn á Nýja Sjálandi og tveir í Bretlandi. Eftir aðeins nokkrar klukkustundir hurfu skjölin sporlaust. Maxey grunar, að Biden-stjórnin hafi stöðugt leitað að skjölunum og síðan neytt fyrirtækin sem áttu netþjónana til að eyða þeim.
Maxey segir í viðtali við Daily Mail:
„Þetta þýðir að leyniþjónustur okkar, sem enn hafa ekki einu sinni viðurkennt að þær séu með fartölvu Hunter Bidens undir höndum, hafi leitað að skjölunum af kostgæfni á netinu til að komast að því hvort eitthvað af efninu hafi verið birt. Það ætti að valda sérhverjum heiðarlegum manni áhyggjum á Vesturlöndum.“
Maxey segir einnig í samtali við Newsmax að hann hafi verið ofsóttur og óbeint hótað eftir uppljóstranirnar.
Sjá má viðtal við Maxey á myndbandinu (twitter hér að neðan).
