Elvis Chan fulltrúi FBI staðfesti eiðsvarinn, að alríkislögreglan kallaði fulltrúa tæknirisanna á vikulega fundi til að ræða meintar „falsupplýsingar“ og setja fram kröfur um ritskoðun á samfélagsmiðlum netrisanna.
Eric Schmitt og Jeff Landry saksóknarar Missouri og Louisiana höfðu áður hafið mál gegn stjórn Joe Biden, þar sem háttsettir embættismenn eru sakaðir um að starfa með netrisunum til að stjórna opinberri umræðu. FBI-agentinn Elvis Chan var yfirheyrður af lögfræðingum ríkissaksóknaranna í gær. Chan er sagður hafa gegnt mikilvægu hlutverki í að samræma ritskoðunarstarf FBI og netrisanna.
Lýsti umfangsmiklu ritskoðunarsamstarfi FBI og netrisanna
Chan, sem talaði undir eið, viðurkenndi að hann ásamt öðru starfsfólki FBI sem vann að netöryggismálum, hafi átt vikulega fundi með helstu netrisunum í aðdraganda forsetakosninganna 2020 – og þar m.a. stöðugt varað við meintri rússneskri íhlutun og tilrauna til dreifingu falsupplýsinga.
Upphaflega hittust FBI og netrisarnir einu sinni ársfjórðungslega en því nær sem dró að forsetakosningunum – þeim mun tíðari urðu fundirnir. Ítrekuð skilaboð voru, að netrisarnir ættu að vera viðbúnir mögulegum rússneskum tölvuþrjótaárásum eða „leka.“
Stofnandi Facebook, Mark Zuckerberg, viðurkenndi áður að FBI hafi haft samband við hann og sagt honum að vera á „varðbergi“ og búa sig undir „stórfelldan rússneskan áróður“ í ýmsum myndum. Zuckerberg sagði þá:
„Ef FBI… ef þeir koma til okkar og segja okkur að við verðum að vera á varðbergi gagnvart einhverju, þá tek ég það alvarlega.“
Zuckerberg ber við „minnisleysi“
Zuckerberg segist „ekki muna“ hvort FBI hafi tilkynnt honum, að fartölva Hunter Bidens væri full af „rússneskum falsupplýsingum.“ FBI sjálft heldur því fram:
„FBI vinnur oft með aðilum í einkageiranum og veitir sértækar upplýsingar um leynilega undirróðursstarfsemi og glæpsamlegt athæfi tilgreindra fjandsamlegra erlendra aðila.“
FBI hafnar því að verið sé að þrýsta á fyrirtækin að ritskoða ákveðnar tegundir upplýsinga eða skilaboða. Samkvæmt kæru saksóknaranna tveggja var það hins vegar einmitt þrýstingur FBI, sem leiddi til þess að Facebook og aðrir samfélagsmiðlar völdu að ritskoða og banna umræður og upplýsingar um innihaldið á fartölvu Hunter Biden.
FBI sendi reglulega lista yfir þá aðila sem netrisarnir áttu að eyða á samfélagsmiðlum
Fox News skrifar, að Chan hafi einnig sagt frá því, að FBI hafi venjulega sent út lista yfir vefslóðir og reikning til netrisanna með kröfu um að þeim verði eytt eða lokað á samfélagsmiðlum – og hafi réttlætt ritskoðunina með því, að hún snúist um „falsupplýsingar“ og „upplýsingar erlendra afla til að hafa áhrif á skoðanamyndun.“ FBI hefur síðan aftur samband til að ganga úr skugga um að efninu hafi í raun verið eytt. Eric Smith segir:
„Síðan við lögðum inn kæruna hefur verið uppljóstrað um fjölda dæma, sem sýna fram á algjöra ritskoðun.“
„Sjokkerandi“ að alríkislögreglan starfi við að takmarka tjáningarfrelsið
Hann telur ennfremur, að það sé beinlínis „sjokkerandi“ að bandaríska alríkislögreglan sé virkur aðili, sem vinnur að því að takmarka tjáningarfrelsi borgaranna á netinu. Kollega hans Jeff Landry bætir við:
„Það er ljóst af vitnisburði þriðjudagsins, að FBI hefur gegnt þýðingarmiklu hlutverki við ritskoðun á tjáningarfrelsinu. Enginn Bandaríkjamaður ætti að vera ritskoðaður af stjórnvöldum.“
