Vesturlönd hafa farið algjörlega út af sporinu. Fjölmiðlar hafa breyst í verkfæri fyrir valdaelítuna sem stjórnar. Þetta fullyrðir Tucker Carlson í nýju viðtali. Tucker segir einnig, að Bandaríkin hafi glatað stöðunni sem valdamesta ríki heims vegna ófaranna í Úkraínu og að NSA hafi brotist inn í símann hans.
Í viðtali við Full Send Podcast (sjá neðar á síðunni), sem vakið hefur athygli, kemur fréttamaður Fox News, Tucker Carlson, heldur betur við kaunin á meginmiðlum. Hann rústar þeim bókstaflega.
Hlutverk fjölmiðla er að hafa stjórn á fólki – EKKI að upplýsa það
„Hlutverk fjölmiðla er í reynd að stjórna fólki í stað þess að upplýsa það“ að sögn Tucker. Og hann segist skammast sín fyrir að hafa ekki skilið þetta fyrr.
„Þeir eru ekki þarna til að upplýsa þig. Ekki einu sinni þegar kemur að mikilvægum hlutum, eins og efnahagsmálum, stríði eða Covid. Hluti sem raunverulega skipta máli. Nei. Þeirra hlutverk er ekki að upplýsa þig. Þeir vinna fyrir þann litla hóp fólks, sem raunverulega stjórnar heiminum. Þeir eru í þjónustu þeirra.“
Bandaríkin hafa glatað leiðtogahlutverkinu
Að sögn Tucker Carlson eru Bandaríkin ekki lengur valdamesta ríki heims, vegna þeirrar „heimskulegu“ stefnu sem þau hafa framfylgt í Úkraínu:
„Í yfir hundrað ár hefur utanríkisstefna Bandaríkjanna snúist um að koma í veg fyrir, að hin stórveldin geti sameinist gegn okkur. Við höfum Rússland, með stærsta landmassa heimsins og sem hefur stærsta orkuforða heims, jarðgas og stærsta kjarnorkuvopnabúr heims. Svo höfum við Kína, sem er með flesta íbúa og stærsta hagkerfi í heimi. Þessi lönd eru sterk hvort í sínu lagi. En ef þau slá saman reitum sínum? Þá erum við ekki lengur öflugust. Það hefur gerst, vegna hins heimskulega stríðs í Austur-Evrópu, sem við þurftum í rauninni ekki að vera að skipta okkur af.“
Tucker Carlson kemur víða við í viðtalinu, m.a. nefnir hann að bandaríska leyniþjónustan NSA braust inn í símann og stöðvaði viðtal hans við Vladimir Putin, forseta Rússlands. Einnig segir Tucker frá samtali við prófessor hjá Stanford sem sagði, að Bandaríkjastjórn hefði haft samband við sig ellefu árum áður til að rannsaka heila í hermönnum sem fullyrt var að hefðu verið drepnir af „geimverum.“ Hér að neðan eru þrjár klippur úr viðtalinu og þar fyrir neðan má sjá viðtalið í heild sinni.
