Fjórir menn sem voru dæmdir fyrir nauðgun á konu á fimmtugsaldri í Svíþjóð árið 2022 eru nú lausir úr fangelsi eftir að hafa fengið reynslulausn. Þrír mannanna hlutu 5 ára og 6 mánaða fangelsisdóm en sá fjórði 2 ára og 3 mánaða dóm. Þrátt fyrir alvarleika brotanna var brottvísun hafnað. Greint er frá málinu á vefnum petersweden.org.
Árásirnar áttu sér stað sumarið 2022. Samkvæmt umfjölluninni réðust mennirnir fyrst á konuna á skógarsvæði nærri lestarstöð þar sem allir 4 tóku þátt í nauðguninni. Konan var síðan flutt aftur að lestarstöðinni. Þar nauðguðu 2 mannanna henni aftur en þriðji maðurinn stóð vörð.
Þrír dæmdir fyrir grófa nauðgun
Mennirnir voru dæmdir 30. desember 2022. Þrír voru sakfelldir fyrir grófa nauðgun og dæmdir í 5 ára og 6 mánaða fangelsi. Fjórði maðurinn var sakfelldur fyrir nauðgun og dæmdur í 2 ára og 3 mánaða fangelsi.
Allir 4 hafa nú fengið reynslulausn og eru því komnir úr fangelsi.
Saksóknari krafðist brottvísunar en dómstóllinn hafnaði
Mennirnir eru allir ríkisborgarar Erítreu og fór saksóknari fram á að þeim yrði vísað úr Svíþjóð og bannað að snúa aftur til landsins í 15 ár. Dómstóllinn féllst hins vegar ekki á brottvísun þeirra.
Samkvæmt umfjölluninni taldi sænska Útlendingastofnunin hættu á að mennirnir yrðu fyrir meðferð sem jafna mætti til ofsókna yrðu þeir sendir til Erítreu. Mennirnir höfðu yfirgefið Erítreu með ólöglegum hætti til að komast hjá herskyldu þar í landi. Af þeim sökum var ekki talið heimilt að senda þá aftur til Erítreu.
Niðurstaðan er því sú að mennirnir hafa afplánað þann hluta fangelsisdóma sinna sem krafist var áður en reynslulausn kom til greina og verður þeim ekki vísað úr landi.