Fólk hrætt til hlýðni við sósíalíska heimsvaldasinna hjá Sameinuðu þjóðunum

Heimatilbúin samstaða valinna vísindamanna í loftslagsmálum var loftslagsvísindamanninum Judith Curry umhugsunarefni í nýrri grein í New York Post. Í greininni veltir hún því upp að vinstri pólitísk hugmyndafræði hafi þróast yfir í loftslagsiðnað sem veltir gríðarlegum fjármunum. Í þættinum Heimsmálin, fréttir og fréttatengt efni af erlendum vettvangi ræddi Pétur Gunnlaugsson við Gústaf Skúlason fréttamann í Stokkhólmi um málið.

Í grein sinni bendir Judith á að loftslagshræðslan sé runnin undan rifjum sósíalistum hjá Sameinuðu þjóðunum. Loftslagsáróðurinn gengur út á að lönd taki saman höndum í baráttu við loftslagsógn sem erlendir hagsmunaaðilar fullyrða að eigi sér stað. Síðan dansa meginstraums fjölmiðlar með og fá til sín sérfræðinga til þess að halda því fram að hitabylgjur, skógareldar, þurrkar og fellibyljir og önnuð veðurfarsleg fyrirbrigði eigi sér uppruna í loftslagsógninni.

Fleiri erlend hagsmunaöfl koma að málum eins og World Ecconomic Forum sem nýta sér síðan hræðslu fólks til þess að ná tökum á fólki og geta stjórnað lífi þess með því að setja á í samvinnu við SÞ og Evrópusambandið loftslagsskatta, ná eignum fólks af því með fjárhagslegri stýringu og hegðunartengdu efnahagskerfi. Þannig mun fólk ekki fá að nota reiðufé í framtíðinni heldur aðeins kort og innistæða kortsins mun ráðast af því hvernig fólk hegðar sér í samfélaginu og hversu tilbúið það er til þess að hlýða hinu nýja alþjóðlega yfirvaldi.

WHO ætlar sér einnig sneið af heimsvaldakökunni og gerir það í gegnum farsóttarsáttmála WHO og mun Tedros Adhanom Ghebreyesus framkvæmdastjóri WHO fá alræðisvald í farsóttarmálum landa og getur til dæmis látið elta fólk uppi og látið bólusetja það gegn vilja þess og látið loka það inni á þeim forsendum að það sé gert til að verjast farsóttum. (Sjá nánar hér). Það vekur athygli að nýtt sóttvarnafrumvarp sem stendur til að samþykkja hér á landi rímar að miklu leyti við farsóttarsáttmála WHO og því sem kemur fram í honum.

Hér að neðan má sjá myndband sjónvarpsstöðvarinnar KlaTV þar sem farið er yfir hvernig almenningur er blekktur.

Hlusta má á viðtalið við Gústaf í spilaranum hér að neðan.

Deila þessari frétt á samfélagsmiðla

Deila