Geir Ágústsson skrifar:
Vaknað upp við vondan draum: Hverju öðru er verið að ljúga að okkur?
Í mjög áhugaverðri bók eftir Dr. Pierre Kory og Jennu McCarthy, War on Ivermectin: The Medicine
that Saved Millions and Could Have Ended the Pandemic, enda höfundar á hugleiðingu um traust til
stofnana og yfirvalda. Ef þau gátu logið svona miskunnarlaust að okkur um lyf og bóluefni á tímum
heimsfaraldurs, hvaða aðrar lygar eru þau líka að segja okkur?
Eru þau að ljúga um það sem raunverulega er að eiga sér stað í Úkraínu?
Eru þau að ljúga um hlýnun Jarðar af mannavöldum?
Höfundar lýstu því yfir að traust þeirra væri horfið. Boðskapnum verður ekki trúað fyrr en að
undangengnum miklum rannsóknum.
Þau taka fram að fyrir tíma heimsfaraldurs þá hafi þau lesið og trúað því sem stóð í The New York
Times, borið traust til heilbrigðisyfirvalda og kosið Demókrata. En ekki lengur.
Svona leið mér líka en mín vegferð hófst töluvert fyrr þegar kom í ljós að Bandaríkin höfðu ráðist inn í
Írak á upplognum forsendum. Ég hafði stutt innrásina í upphafi en þegar í ljós kom að allt var byggt á
lygum þá kyngdi ég þeirri pillu og hef reynt að forðast að gera sömu mistök aftur.
Ég valdi að taka rauðu pilluna.
Það var af þessari ástæðu að ég varð aldrei neitt sérstaklega hræddur við veiruna. Það var enda nóg
af gögnum sem rötuðu ekki í fjölmiðla sem sýndu að fyrir mann á mínum aldri í mínu ástandi að þá
væri hættan minniháttar, og sérstaklega voru börnin mín fjarri öllum áhættuhópum.
Það er af þessari ástæðu að ég óttast ekki hamfarahlýnun af mannavöldum. Lygarnar blasa
einfaldlega við hvert sem litið er ef maður lítur aðeins út fyrir hinn þrönga sjóndeildarhring fjölmiðla
og stjórnmála.
Þeir voru margir sem vöknuðu á veirutímum upp við vondan draum. Sú samsæriskenning að yfirvöld
stundi ekki samsæri var afhjúpuð. Þau eru í sífellu að stunda ýmis samsæri til að móta okkur á líkama
og sál, breyta hegðun okkar og bjaga heimsmynd. Heilu stofnanirnar gera raunar fátt annað, og
listinn yfir lygar er óendanlegur.
Rétti tíminn til að velja rauðu pilluna er núna, áður en það verður of seint.
