Hallur Hallsson skrifar:
Með mikilli sorg ég færi ykkur þessa fregn. Gríðarstórt gamma geislaský fer nú yfir V-Úkraínu í átt að landamærum Póllands eftir að eldflaug hitti skotfærageymslu í bænum Khmelnytskyi í V-Úkraínu laugardaginn 13. maí kl. 01.52. Jarðskjáflti reið yfir að styrkleika 3.4 svo jörð nötraði, slíkt var skotfæramagnið geymt neðanjarðar. Íbúar flýja svæðið fullir örvæntingar. Ég hef hvorki fregnir af látnum né slösuðum. Af meðfylgjandi myndbandi má ráða hamfarirnar, eldhnöttur og úranský stíga til himins. Úranið var ætlað rússneskum íbúum Donbass og Krímskaga. Úran var flutt til Úkraínu af Bretum, svo það er í boði Nato. Vestrænir fréttamiðlar flytja ekki fréttir um hina miklu sprengingu hina mestu frá stríðsbyrjun í Úkraínu, jafnvel mestu í sögu Evrópu, fremur en þeir hafa flutt marktækar fréttir af hryðjuverkinu á Nord Stream í Eystrasalti.
Khmelnytskyi er bær milli Kænugarðs og Lvyv í V-Úkraínu. Rússnesk eldflaug hitti skotfærageymslu þar sem voru bresk fallbyssuskot með tæmt úran; depleted uranium. Rússar höfðu ítrekað varað Breta við að senda úran-skot í bresku Challenger skriðdrekana á vígvelli Austur-Úkraínu. Líklegt er að langdrægu skugga eldflaugarnar; storm-shadow-missiles til árása á Rússland hafi verið í Khmelnytskyi. Sú ákvörðun Breta stigmagnaði styrjöldina og ljóst að Rússar myndu svara. Skotfærum þessum átti að beita á rússnesku mælandi íbúa Donbass og Krímskaga í gagnsókn Úkrana sem sögð er yfirvofandi en hefur tafist. Rússar hafa jafnt og þétt tortýmt skriðdrekum og loftvarnaflaugum sem sendar hafa verið til Úkraínu. Nú hafa úranskot verið sprengd í loft upp. 400 þúsund úkraínskir hermenn eru fallnir og særðir, líklega allt að 100 þúsund Rússar. Allt Víetnam-stríðið féllu 50 þúsund Bandaríkjamenn á áratug.
GEISLA MÆLINGAR VEÐURSTOFU ÚKRAÍNU
Úkranska Veðurstofan birti mælingar á gamma geislun yfir Khmelnytskyi kl. 21 í gærkvöldi 14. maí, 131nSv/h og farið yfir 140 nSv/h. Apotek í bænum hvert og eitt einasta auglýsa að allt joð; ionide sé uppselt. Úkranskir samfélagsmiðlar loga. Baneitrað úranský steig upp af Khmelnytskyi. Fólk flýr geislaregnið. Úkraínsk jörð verður geislavirk um mannsaldra líkt og á Balkanskaga og Mið-Austurlöndum þar sem Kanar og Bretar hafa beitt úran viðbjóði. Dauði, krabbamein og vansköpun án þess nokkurn tíma sæta ábyrgð. Ég hef sagt ykkur frá ítölskum friðarhermönnunum sem lentu í amerísku úranregni í Kosovo; 350 eru látnir og fjölgar. Gammageislum rignir yfir frjósama úkranska jörð, þar sem hveitikorn er ræktað að vetrarlagi flutt til Evrópu. Hveitirækt mun leggjast af á stórum landsvæðum. „Panic reports are spreading in Ukrainan social networks that during the detonation of an ammunition deport in Khmelnytskyi, a large batch of British tank ammunition with depleted uranium was destroyed.“ Vopnageymslan var neðan jarðar. Rishi Sunak forsætisráðherra Bretlands birti mynd af sér á twitter í gær, sunnudag fagna og faðma Vovomydyr Zelinskyy líkt og þeir hafi unnið sigur.
ZELINSKY & KARLA MAGNÚS
Zelinskyy hefur verið það sem af er þessum mánuði á ferðalagi um Evrópu; Helsinki með Kötu sinni og norrænum kollegum, Rómaborg með Francis páfa og Girogiu Meloni, Haag með Mark Rutte, Berlín með Ólafi Scholz, París með Emmanuel Macron og London með Rishi Sunak sem Bretar kalla Rikka ríka sem þjóðin ekki kaus. Í Berlín voru Vovomydyr afhent verðlaun kennd við Karla Magnús [747-814] frankakonung sem var krýndur árið 800 sagður faðir Evrópu. Zelinskyy hlaut verðlaunin fyrir framlag sitt til sameiningar Evrópu. Það er styrjöld í Evrópu af því Brussel þráir Úkraínu í evrópskt stórríki líkt og Ísland skal þvingað inn með manni og mús; fiskimiðum, orkulindum og nato-herstöð. Skítt með tengiflug Icelandair. Það er táknrænt að Alþingi kaupir 1.200 milljón króna sjúkrahús til að halda stríðinu áfram, það er til viðbótar 4.5 milljörðum sem enginn veit hvert fóru. Tug milljarða amerískt olíufé er gufað upp. Enginn evrópskur leiðtogi talar fyrir friði, allir berja trumbur og kyrja að úkranar verði að vinna; Glory-to-Ukraine. Hermenn halda áfram að deyja og særast. Kata & Dísa geta spurt Vovomydyr um Khmelnytskyi, nú þegar þær hafa lesið þessa frétt mína … Mætir Zelinskyy til að vera með elítunni eða fer hann heim til Úkraínu?
