Verið að undirbúa yfirtöku Alþjóðaheilbrigðismálastofnunarinnar WHO á fullveldi ríkja í heilbrigðismálum
Mörg lönd ásamt „velgerðarsamtökum“ hafa stofnað stóran „heimsfaraldurssjóð“ til að undirbúa heiminn undir næsta heimsfaraldur, segir í frétt AFP. Bandaríkin, Kanada, Ástralía og Kína eru nokkur þeirra ríkja sem hafa dælt peningum í sjóðinn, sem sagt er að „geri heiminn öruggari.“
G20 löndin samþykktu um helgina að stofna heimsfaraldurssjóð upp á 1,4 milljarða dollara til að „takast á við næsta heimsfaraldur“ að sögn AFP.
Joko Widodo, forseti Indónesíu, telur að sjóðurinn þurfi að vaxa í 31 milljarð dollara til að hafa raunveruleg áhrif. Alþjóðaheilbrigðismálastofnunin og Alþjóðabankinn tóku einnig þátt í blaðamannafundinum um málið. Fjöldi landa en einnig „velgerðarsamtök“ munu fjármagna sjóðinn.
Bandaríkin hafa lagt 450 milljónir dollara í sjóðinn, þriðjung af núverandi stærð hans. Eftir það eru stærstu gjafarnir Bretland, Indland, Kína, Frakkland, Kanada, Ástralía og Japan. Janet Yellen, fjármálaráðherra Bandaríkjanna segir:
„Ég er stolt af því, sem við höfum náð. Ég tel að skrefin, sem við höfum stigið á þessu ári muni hjálpa til við að skila sýninni um heilbrigt, alþjóðlegt heilbrigðisskipulag.“
Á samfélagsmiðlum fullyrða gagnrýnisraddir hins vegar, að raunverulegur tilgangur sjóðsins sé:
„Að innleiða heimsfaraldurssáttmálann sem mun taka fullveldið af löndunum og koma því í hendur ókosinna ókjörinna glóbalista.“
Stjórnmálamennirnir lokuðu heiminn á meðan á covid stóð vegna veiru, sem var með lága dánartíðni hjá fólki undir 70 ára vorið 2020. Á fyrstu tveimur árum „faraldursins“ dóu aðeins 20 heilbrigð börn úr Covid í Bretlandi.
